如果你係堅持高排放、高耗油先係辣車嘅死硬派，咁今時今日可以話你知：你 Out晒！因為一直以霸氣十足見稱嘅 Audi A5都推出環保版本 Sportback 1.8 TFSI！合乎政府環保車標準，潮跟大趨勢之餘，你都唔好以為佢用 1.8公升偈就係溫柔派，當踩油掟住入彎嗰刻，你就知環保都可以很惡。記者：趙慧敏攝影：林栢鈞Model： Wing@Pure Models
其他副刊影片 耗油低性能高
講到 Audi喺環保車方面嘅成績，近年真係幾突出，去年品牌嘅首部香港政府認可環保私家車 A3 1.4 Turbo FSI爆出無耐，連 Q7 3.0 TDI clean diesel quattro又成為香港唯一認可柴油私家車，真係搶盡風頭。而今次接力嘅係 A5 Sportback 1.8 TFSI，又獲政府認可為環保車。你咁支持環保，政府總畀啲着數你，能夠攞到百分之三十汽車首次登記稅優惠就畀硬你，不過買得環保車， Buy佢嘅技術自然係關鍵。 A5 Sportback 1.8 TFSI明攻環保車市場，低排放、低耗油自然係主打項目，由於今次佢用上以環保見稱嘅 FSI燃油直噴技術，減少耗油又可以發揮更強動力同扭力， 1.8偈可以輸出最大 160匹馬力，至於扭力，喺 1,500轉開始，一直延續至 4,500轉，輸出最多 250Nm。根據廠方數字，每公里耗油只需$1.05，耗油量與一般日本房車不相伯仲，但性能就明顯高一皮。
放大圖片 
放大圖片 
■ A5嘅揭背車型充滿流線美。
放大圖片 
■中控錶板鋪排闊落清晰，亦具時尚感。
放大圖片 
■側鏡設計偏向寬大，視野更清晰。
欠 quattro一樣穩定 放大圖片 
■大尾廂設計，揭背車捧場客最愛。
今次 Audi喺 A5環保技術上落咗唔少功夫，雖然欠缺了 Audi嘅招牌配備 quattro，但 Sportback 1.8 TFSI亦用上奧迪最新研發科技，升級版嘅 ESP電子限滑系統添置了前軸電子差速鎖定裝置，喺行車時監察前軸運作，再因應不同情況自動分配扭力。事實上駕駛這部車時，穩定性十分高，而且多得前軸電子差速鎖定裝置幫助，有效減少高速時轉向不足，提升穩定性，在攻彎時，擁有接近 quattro嘅反應。至於性能， A5 Sportback 1.8 TFSI爆發力稍嫌溫柔，但當高速行駛時，反應爽夾快。既然係環保分子，購買習慣都不期然要精打細算，與先前推出過嘅同門 A5 Sportback 2.0 TFSI相比，兩者無論性能、外形及設備上都猶如孖生兄弟， A5 Sportback 1.8 TFSI現價$375,300，而 2.0版本當時售價約為$459,000，兩者相距超過八萬，支持環保，着數加碼！購買 A5 Sportback 1.8 TFSI理由，自然又多一個。
放大圖片 
■遷就斜背車頂，天窗較為狹窄。
放大圖片 
■啡色真皮座椅顯歐陸格調。
A5 Sportback 1.8 TFSI規格 放大圖片 
■ Xenon Plus LED頭燈屬附加配備。
引擎： 1,798cc直四馬力： 160hp/4,500-6,200rpm扭力： 250Nm/1,500-4,500rpm傳動： 8速 Multitronic+/-自動波售價：$375,300起查詢： 2528 1862（ Audi HK） 
留言列表
