《蝸居》熱播、「九招十二式」出台，揭露香港樓市之怪誕和荒謬。有線主播區永權（Albert）最近密謀換樓，兩個月之間行盡港島樓盤，更見識過千呎樓盤實用率只得七成；但當他來到新張的「南海一號」，發現大廚能將食材100%用盡，連殼都唔放過，不禁令小記和Albert慨嘆一句：「如果香港樓宇的實用面積都達100%，你話幾好呢……」
區永權（Albert）最近正物色新居，花了兩個多月時間睇樓，他強調：「置業是一生人中最大的投資，絕不能草率！」買樓人士都講究「實用面積」，Albert一聽見這四字當堂火都嚟埋：「曾經睇過一個樓盤，圖則上寫建築面積有上千平方呎，點知一入到個單位，得700平方呎！有時就算實用面積達九成，但可能將個神咁大嘅露台計算在內，換句話說單位面積一樣係細咗。」 Albert有一套自家揀樓哲學：「大型屋苑通常以第一期樓宇的實用率最高，第二、三期一般實用面積減少而呎價會上升；但買樓時最緊要留意建築年份，尤其2003年沙士期間落成的樓宇，用料會差啲。」 如果新張的「南海一號」是個樓盤，那她一定成為樓王。新店由前利苑副總廚孫錦勝師傅坐鎮，煮出海派粵菜，即是以粵菜為基本，但吸收中國各地以至東南亞多國的烹調方法，而且以海鮮作主打，更能將一隻龍蝦的各部分分別烹調，再組合成為招牌菜「龍騰四海」：蝦身拆肉起球蒸熟、蝦頭肉切粒炒鬆，連蝦殼都用來熬上個半小時成為龍蝦湯，混合蛋白淋在蝦肉上。另外，廚房中特設海鮮燒烤爐，又學足印尼做法用椰殼燒海鮮，令椰子香氣煙熏到海鮮之上，吃來更有風味。 店子位於尖沙咀iSQUARE 30樓，而樓上（31樓）亦由同一集團營運，故餐廳的外牆裝上兩層高的落地玻璃，享盡其得天獨厚的尖沙咀景色，亦採納足夠有餘的天然光，成為整幢食廈中景致最令人讚嘆的餐廳。餐廳又以鄭和下西洋作裝修主題，餐桌上不時放着指南針、望遠鏡等擺設裝飾，連餐牌也以古老地圖設計，此外餐廳中亦設有雞尾酒吧「Eyebar」，據說古代船隻都會在船頭漆上一雙大眼睛，故以此為名，與主題食到應。 查詢：2487 3688
禪關萬象$38/位晶瑩剔透的番茄內裏挑空，並放入兩顆炸香的夏威夷果仁，配個濃雞湯薄芡，清新怡神。
椰殼燒大頭蝦$80/隻四両重越南大頭蝦架在椰殼上燒香，比一般燒蝦香氣更煞人，大廚稱除了大頭蝦外，鱔、青口、貴妃蚌等都可以椰殼燒法烹調。
用盡龍蝦頭身殼
金絲珠豆$38芋頭由大廚手切成幼絲再炸，吃落爽口香脆，盡見大廚刀功與控制炸物火候的功架。
Blue Lagoon$80以日本清酒作基調，加入辣椒碎、蘋果汁及白豆蔻調成，對味蕾造成驚喜刺激。
餐廳放有指南針、望遠鏡等有關航海的擺設和裝飾，以配合鄭和下西洋的設計主題。
Eyebar全天候供應多款雞尾酒，並設於落地玻璃窗前，採光十足。
兩層高落地玻璃
啲樓好似大廚煮龍蝦咁用盡每一方吋就好啦！（設計對白） 
放大圖片
龍騰四海$528澳洲龍蝦肉清蒸、蝦頭肉混合松子、葱粒與唐芹炒成鬆，放入米網紙內捲起，再用龍蝦殼熬成湯埋芡，鮮甜得無話可說。
留言列表
