寫真戰尚有個多月才開波，但模媽陳靜儀（Mia）的寫真照卻絕密曝光，正式拉開戰幔。照片中的Mia學足師姐周秀娜玩滴奶，意識極度踩界，但身為人母的她卻自覺沒教壞細路。
周秀娜三年前在處女寫真《Kissy Chrissie》中玩唧牙膏及滴雪糕，意識大膽，自此成為寫真女王。Mia見娜姐如此成功，以及今年單飛出寫真，故決心學娜姐玩滴奶。寫真照近日曝光，噴血程度較娜姐有過之而無不及，一套七張閃卡更睇到宅男「O」嘴。
「意淫我唔做o架！」
Mia假借整蛋糕為名，穿女僕衫擺甫士，擘髀跪地之餘，還把忌廉溝鮮奶注滿嘴角，白色鮮奶即時滴落4吋事業線。據知，身為一對子女之母的Mia在寫真內還有更激演出，會一絲不掛玩刺身Look，意識大膽，為免教壞細路，勢必被勒令「包膠」。照片中的Mia五官愈見精緻，更離奇地谷出4吋事業線，看來為了今次的寫真，曾被指整容的Mia確實下了不少苦功。
記者致電Mia，談到寫真意淫，她不以為意說：「好睇個人感覺，有人只會覺得靚，亦有人覺得意識太踩界，我控制唔到。總之我寫真只係賣性感，以靚為主，賣意淫我唔會做o架！」Mia又說：「我好少同小朋友解釋工作，我同佢哋有好多偈傾，冇必要講工作，佢哋只知媽咪係模特兒，仲好Proud of我！」她又說不會反對讓女兒拍寫真：「如果小朋友將來要拍，我會要求個女身形要靚先好影，一定唔會反對，反而會叫佢唔好咁早生BB，免得畀人歧視。」Mia又強調絕不認為寫真教壞細路。
裁定不雅要包膠
此外，律師梁永鏗表示淫審處有準則如何評審淫褻及不雅物品：「法例講明淫褻物品包括性愛鏡頭，性器官係唔可以公開發售，而成人雜誌只屬不雅，只須通過淫審處評估，其後包膠列明不雅，就可以出街！」他又表示若書籍被列為不雅，定必列明不准發售給18歲以下人士。
專案組
Mia的鮮奶滴胸造型，與娜姐三年前的牙膏滴胸造型極為相似。
穿女僕衫的Mia大擺誘人甫士。
Mia大晒4吋事業線，誘惑宅男。
寫真戰一觸即發，o靚模陳靜（DaDa）昨日與師妹林宜芝（Monna）出席遊戲品牌活動，Monna以性感漫畫人物造型上陣，大騷32E事業線，大搶DaDa「峰」頭，但師姐揚言不介意，指師妹接棒奉旨性感。今年會推出寫真集的Monna將以狂野Look出位。
此外，DaDa另一位師妹曾善美（Mei Mei）寫真集照片曝光，擁有42吋長腿的她坦言今年暑假胸腿齊出，迎戰「胸」模，更揚言要做「索腿女神」︰「我睇完本寫真相，尤其是坐梳化嘅甫士，騷胸又騷長腿。我對自己嘅身材好有信心，唔怕人哋嚟挑機，鬥事業線我唔會輸！」
DaDa（左）不介意Monna騷事業線搶鏡。
信心十足的曾善美坐梳化騷胸。
Rainbow不屑與Lavina合照
o靚模鍾蕙芝（Lavina）前晚露4吋事業線與舊拍檔胡心諾（Rainbow）同場，出席電影《貞子3D》首映。雖然與Rainbow所屬的公司不歡而散，但Lavina表示不尷尬，但記者要求合照時，Rainbow卻不屑地說：「影佢單人啦！」Lavina說：「冇所謂啦！佢個人意願，可能人哋公司安排呢！入行咁耐遇過好多事。」此外，Lavina透露今年將推出性感寫真為慈善籌款，問到有否信心擊敗Rainbow？她說：「冇諗過同人比賽。」而同場的o靚模郭婉霞被指在夜總會工作，她否認：「係朋友帶我去，唔知乜地方，海洋公園我都有去啦。（同去夜總會一樣咁平常？）係呀！每個人都有無知嘅時候。」
Rainbow面燶燶，拒與Lavina（紅圈示）合照。
Lavina露4吋事業線大搶「峰」頭。
留言列表
