Shit！（真實對白）大方啲啦！（真實對白）
Fiona同澳門威尼斯人高層 Reggie蜜遊斷正，可惜佢爆粗大煞風景。
FBI File
薛凱琪拍拖爆粗
2010年06月09日
同房祖名甩拖後，薛凱琪（ Fiona）早排傳過吓同 TVB咪精梁政鈺爭仔，不過講到最爆趣嘅就係今年 1月喺佢身邊出現嘅澳門賭場高層黑人觀音兵。
事隔數月，上週六晚 FBI喺銅鑼灣迎面又撞到 Fiona同呢位黑金剛行街街，一行 4人包括 Fiona助手等上咗一間樓上按摩店疏乎，離開嗰陣， Fiona發現 FBI，仲忍唔住爆咗句：「 Shit！」 FBI見佢哋咁 sweet一齊按摩，即刻叫佢哋企定定影張合照啦，點知 Fiona一聽到影合照就鬼咁激動，「嗱！如果你咁講（話黑人係我男朋友），我唔影 o架！」講完仲拉大隊走人，小家啲喎！
甜蜜按摩
Fiona同黑金剛 Reggie按摩完後落樓， Fiona見記者即黑面，就連 Fiona女助手都識做叫佢哋畀記者影合照，睇嚟係得 Fiona唔識做咋喎。
Reggie向 FBI表示，佢除咗係威尼斯人高級傳訊經理，亦活躍於澳門美國商會，今年 4月佢就喺澳門出席該會活動（左二）。
刨中文雜誌
Fiona去許留山買果汁時，黑金剛 Reggie就順便去隔籬報攤買咗本《壹週刊》。中文都識睇，果然見識廣博。
黑金剛親切
雖然 Fiona見記者後左閃右避，但 Reggie就對 FBI提問以英文大方回應。
Fiona見 FBI雞飛狗走，反而佢位黑金剛男友就見慣大蛇屙尿。佢話畀 FBI知，佢全名叫 Reggie Martin，家喺澳門威尼斯人任職高級傳訊經理，當晚佢仲同 FBI有問必答，大方過 Fiona好多。
Q& A
Q：請問點稱呼你呢？
R：我叫 Reggie。
Q：你喺邊到過嚟？今次嚟香港做乜？
R：我由美國去澳門做嘢，今次順道過香港探 Fiona。
Q：有冇睇過 Fiona套新戲《分手說愛你》呀？
R：有呀，幾好吖！
Q：咁你識唔識房祖名？
R：我都識佢。
Q：你識睇中文嗎？（ FBI見 Reggie買咗本《壹週刊》）
R：識少少啦。
留言列表
