明星靚相大分享☆

iPhone睇波 3大注意

1.注意數據量
睇一場波，連賽前分析、半場休息加賽後精華，最少 2小時，約需 120MB數據，假如閣下並非使用無限數據服務，爆表數據費可能夠你睇 2年有線（約$8,000）。

2.注意電量
一部充滿電的 iPhone，可以連續上網約 4小時，即係話唔夠電睇一日 3場分組賽，記得帶定叉機或最好買定 Juice Pack做後備電源。睇睇吓波冇電好掃興 o架！

3.注意連接質素
用 WiFi連接時的睇片質素係比用 3.5G連接更高質，因為 iPhone本身設定如用 3.5G連接睇片時，會以較低影像品質連接，唔想睇到起晒格，最好用 WiFi。

爆睇 57個大陸台　《手機電視》 Free

其實大陸好多電視台已經支援網上直播，例如上中央台官網 cctv.com，已經可以睇串流直播。而《手機電視》就係將網上電視台的直播帶入 iPhone內，目前已經整合了 57個大陸台，直接從手機觀看。
當然你會想知有乜大陸節目好睇，例如擁有全國最多高收視節目的湖南衛視，包括《超級女聲》、《快樂男聲》、《醜女無敵》。再唔係睇上海台的 NBA TV， 6月 11日星期五就有 NBA Final第一場睇添。而可收看電視台數目仲不斷增加中，由上星期一得 29個台，爆增至星期三有 57個台，相信台數仲會陸續增加！

精選 4大免費 TV app

台灣電視之霸　 DeDoTV
將台灣最 hit的 38個綜藝節目播晒畀你睇，例如一星期五集的《康熙來了》、《國光幫幫忙》等仲係即晚上載，想知台灣至 hit話題必睇。

哈日、韓之王　 MoSS
即時串流日、韓的娛樂電視台，包括有日本 YTV、 SunTV；韓國 SBS、 cng2；連遠至意大利、土耳其、哈薩克斯坦的娛樂台都有得睇。