Juno同 Janine拍 MV撻着，近日仲宣布 Janine係佢第一個公告天下嘅真命女友。儍龍變咗純情龍。
媽咪姐手帳
麥浚龍硬嗒蕩模
2010年06月11日
上周六（ 5日），麥浚龍（ Juno）出席 UnderCover嘅 party時，自動爆料話自己同中英混血女模戴庚玲（ Janine）拍緊拖，鬼咁風騷咁話︰「我都 26歲，依家宣布拍拖都好應該，而佢係我入行後第一個公開嘅女朋友。」仲講明之前嘅緋聞女友都只係好朋友。
有傳 Janine去年兩度同 Juno拍 MV因而撻着，之後 Janine男友阿威仲公開鬧爆 Juno撬牆腳。雖然當事人齊聲否認，但最終 Janine都係落喺 Juno手上。
媽咪姐近日喺 Janine嘅 Facebook度，見佢舊男友阿威嘅相買少見少，反而去蒲去玩嘅相就多到爆，盡顯狂野一面。
雀斑王
素顏嘅 Janine，真係夠晒驚艷。驚嘅，係佢滿面雀斑，艷嘅就係佢充滿挑逗性嘅伸脷。
露股罅
醉到啤啤夫，要攬住馬桶狂嘔到股罅都露埋嘅相都放上網任睇。算唔算豪放呢？
同前男友阿威嘅相買少見少，呢張算係碩果僅存。相信唔使幾耐可能都消失埋。
Janine伸出五爪金龍將石像下體又揸又揑。蕩模之名果真名不虛傳。
全站熱搜
留言列表
