Chrissie一拖七師妹，只有佢一個着兩件頭制服力搶鏡頭，難怪企側邊嘅師妹全部嘴藐藐唔順超。
媽咪姐手帳
周秀娜欺壓師妹
2010年06月11日
咪話媽咪姐唔提吓各位姊妹，呢排盡量避免同男朋友喺銅鑼灣出現。點解？事關嗰度有—— o靚模出沒！
周日（ 6日），周秀娜（ Chrissie）帶住 7個小師妹出席 Yahoo喺銅鑼灣街頭嘅宣傳活動，引嚟一大群龍友狂攝，場面混亂。 Chrissie着住熱褲、露出小蠻腰出場，全程博到盡，拎住個吹氣波波不時彎身，倒奶甫士引到場邊龍友你推我撞霸位影相。見愈來愈多人歡呼， Chrissie更執起個波，起勢擺 post，其餘小師妹只好靠邊站。
當射龍門時，戴住大手套嘅 Chrissie成個波拍落師妹 Jeana度。
Chrissie前面睇夠晒養眼，原來後面亦都唔弱，成腳蚊癩，斑斑點點咁。
Jeana硬食 Chrissie波餅，當堂成個呆咗， Chrissie即時上前呵番，不過事後又好抵死咁話︰「我唔係有心，但見佢咁得閒咪請佢食波餅囉！」
Mia有樣學樣，單係解釋對鞋太大以致甩鞋嗰陣，都要彎住身嚟講，不過睇頭欠奉（右圖），同全程倒奶嘅 Chrissie（左圖）真係輸咗成條街。
忽然保守
早喺上周四（ 3日）， Chrissie同 Mia已經喺銅鑼灣出席無綫嘅活動。一身天使打扮嘅 Chrissie，忽然保守，全程用手㩒實條裙。
至於 Mia就緊身 tee加超短熱褲，可惜肚臍位置現出唔少橙皮紋。
全站熱搜
留言列表
