明星靚相大分享☆

噚日天氣雖然轉凉，但有人同馮仁昭報料，話下晝喺港島區南灣沙灘見到百果園 E神陳靜（ DaDa）着住三點式泳衣游水。馮仁昭趕去現場，果然見到性感惹火嘅 DaDa喺度，但原來佢唔係去游凍水，而係拍緊王晶公司嘅新戲《潮性辦公室》。噚日除咗 DaDa之外，仲有呂慧儀以及早排同霍啟剛傳過緋聞嘅台灣女主播趙彤，佢哋兩個一樣着住三點式喺沙灘拍戲。見 DaDa同趙彤俾幾個猛男用水槍係咁射水，都依然笑騎騎搏到盡投入拍攝，女人嘅抵冷能力真係唔到你唔服。

放大圖片

34EDaDa（右）噚日同 33D趙彤（左）着住三點式泳衣喺南灣沙灘鬥晒胸。

放大圖片

雖然噚日天氣轉凉又被猛男射水，但着住三點式嘅 DaDa仍盡力表現。

100款真人發聲

DaDa近期走勢唔錯，密密接 job銀，佢除咗拍《潮性辦公室》之外，嚟緊仲會同鍾鎮濤、鄧麗欣一齊拍《宅男總動員》，正式進軍內地市場。另外， DaDa年底除咗推出性感寫真月曆之外，原來仲斟緊出一個「叫床」嘅 iPhone app。不過大家聽到叫床呢兩個字千祈唔好諗歪，呢個「叫床」 app其實係叫人起床咁解，絕對冇色情成份。聽聞 DaDa到時會錄超過 100款唔同嘅真人發聲聲帶，例如好溫柔咁話：「儍豬，夠鐘起身啦！」當然，個 app會配合埋 DaDa嘅靚女相，等人當正 DaDa係女朋友甚至老婆看待。


DaDa將會錄製「叫床」嘅 iPhone app，用溫柔嘅聲音叫醒大家起身。