21歲JW（Joey Wong）喺英國讀大學主修地理課程，雖然仲有半年先畢業，但JW仍然未有鬆懈，堅持完成學業先考慮全力唱歌。
再玩特效
黎明不嬲都鍾意玩創新，今次親自執導兼客串MV，JW更要以螢光造型示人，再玩Leon最愛嘅視覺效果。
扮娜姐
JW話佢呢個打扮有啲似麥當娜，而佢第一次有咁嘅造型覺得好新鮮。
當護膚
拍攝當日JW由頭到腳全身都係泥，拍咗六、七個鐘都冇怨言，佢仲話：「啲泥係化妝師特登準備，雖然唔知係咩泥，但我當係護膚泥都幾好玩呀！」
一向破格
度橋一向爆，之前就花咗逾300萬拍攝自己個3D MV〈遲D見〉，MV內文詠珊（Janice Man）要化身F cup假大胸，做性感女郎色誘Leon。
黎明家族多戀事
黎明同太太樂基兒的感情生活惹關注，旗下Amusic藝人亦一向感情繽紛，學金句王Leon話齋：「有沒有機會拍拖，同撞鬼一樣，要講緣分！」
黎明北京挽手
上月先傳因為章子怡介入令兩人婚姻亮起紅燈，而兩人一直未有回應，直至早前兩人才共同發聲明澄清情未變，而喺上週二（18日）兩人被網民喺北京拍得挽手照後，即時粉碎不利傳聞！
Janice Man被鬼撩
JM一直同圈外男友李冠峰拍拖多年，雖然曾傳出佢與同公司嘅李治廷及劉浩龍傳緋聞。喺本月20日JM喺圓方行街時被貌似麥迪文嘅老外死纏撩援交。
衞蘭隨時嫁
09年衞蘭喺教會認識老外男友Roger，現全職傳道的Roger家底甚厚，所以有指衞蘭為咬實長期飯票而打算於年底平安夜拉埋天窗。
應昌佑小登科
年頭被拍得同圈外女友Mandy喺利園行街嘅應昌佑，喺今年亦話買咗樓，準備同女友結婚。 ####
JW在英國主修地理，由於家人想愛女專心學業，不想有無謂的宣傳曝光，估唔到純女都可以大突破。
未讀完書嘅JW，一直喺英國多過喺香港，對上一次再亮相已是9月頭上《勁歌金曲》。
留言列表
