蘋機會： 1.9秒！ HP開機 快過彈起
今年最旺場筆電之中，看來要數 UltraBook，不過在「複製」 Macbook Air成功方程式之餘，仲有無其他特色呢？ HP的 Folio13可說走另一設計思路，外表平實，但規格絕不輸人，尤其極速開機，在休眠中 Call醒部腦，僅需 1.9秒，比 Model彈起再落地嘅時間仲要短！記者：許福合攝影：楊錦文Model： Christie
其他副刊影片 開機 速測
Folio13支援 Intel Rapid Start技術，加上使用 SSD硬碟，有助系統快速啟動，幫用家慳番唔少時間。
放大圖片 
■睡眠狀態開機
放大圖片 
■重新開機
背光鍵盤暗位照打 放大圖片 
a.效能實測， Folio 13位列前茅，性價比相當不俗。
雖然售價低人一等，不過用料規格唔輸蝕，唯一要彈嘅係外貌太過正經平實， 18mm厚機身，唔似其他 Ultrabook玩驚人薄身嚟冧人，不過要咁突出代價就係過萬蚊售價，今時今日，買部萬元筆電？真係太豪喇！ Folio13就以實際行先，採用 13.3吋超靚 BrightView HD LED闊屏，室外使用時雖略為反光，但解像度有成 1,366× 768，實用性仍然相當唔錯。背光鍵盤亦係賣點之一，不要以為係花巧嘢，當環境太暗時，你會慶幸有個識發光嘅鍵盤。機身重 1.499kg，相比 MBA的 1.35kg稍重，但拿上手感覺更硬淨，從耐用度出發，應可以相當放心。在一眾「萬萬聲」嘅 UltraBook大軍中， Folio13只需$8,980，甚至比 13.3吋 MBA平成千蚊㖭！
放大圖片 
b.外表無花巧，較為平實。
放大圖片 
c.可如 iOS般隨時放大畫面。
放大圖片 
d. TouchPad支援多點觸控，睇網頁同文件更輕鬆。
放大圖片 
e.機身厚度為 18mm，符合 UltraBook規格要求。
CoolSense減噪音 放大圖片 
■打開 CoolSense，可加快散熱速度及減低噪音。
Folio13屬於 i5級 Ultrabook，都係配 4GB記憶體、 128GB SSD硬碟，以《 PCMark 7》作效能測試， Folio13得分有 3,158，在市面的 Ultrabook大軍算幾勁。採用內置式電池，使用時間長達 8小時，叉機可放心留在家中，拎出街都輕鬆啲！音效配搭 Dolby Advanced Audio揚聲器，位置放在屏幕底，聲音會比較實淨，方向感亦較合理，加上支援 CoolSense技術，加快散熱速度之餘並可減低噪音，聽歌睇戲有效減少干擾。跟機軟件除基本維護工具外，仲跟一款《 YouCam》視像軟件，既可同朋友面對面傾偈，亦可即時加上各類有趣效果，放上 YouTube或 facebook，相當好玩。
放大圖片 
■ TrueVision HD視像鏡頭，用來玩視像一流。
放大圖片 
■內置式電池足以支撐使用 8小時。
放大圖片 
■ Dolby Advanced Audio揚聲器配搭專用音效設定介面。
放大圖片 
■內置有趣效果嘅《 YouCam》，令你可隨時大玩 Cosplay。
處理器： Intel Core i5-2467M（ 1.6GHz）記憶體： 4GB DDR3硬碟： 128GB SSD屏幕： 13.3吋（ 1,366× 768）顯示： Intel HD Graphics 3000操作系統： Win 7 Home Premium體積： 318.5× 220.2× 18mm重量： 1.499 kg售價：$8,980查詢： HP（ 800 93 8833） 
留言列表
