亞洲先生泳褲晒雄風Cara G.胸襲超級震波男
16位來自亞洲各地的《 2012亞洲先生競選》參加者，於周日舉行決賽前，先以泳裝亮相見女評判，並即場由參賽者票選「最具攻擊性超級男」，在勁騷身材又擺 chok樣連串指定動作下，結果由擁有 42寸半胸肌兼曉震波的 7號陳景國獲選，頒獎時連靚女名模 Cara G.也忍不住出手摸一摸這位震波呂良偉個胸。
其他娛樂名人影片
昨日《 2012亞洲先生競選》 16位參賽者在大埔亞視總台以泳裝會見郭秀雲、名模 Cara G.及 2010年亞姐冠軍王欣三位評判，並即場由參賽者互相投票選出心目中的「最具攻擊性超級男」，結果由身形最健碩、有翻版呂良偉之稱的 7號陳景國勝出，頒獎時， Cara G.多次出手胸襲陳景國，繼而興奮大笑，對巨胸肌肉男情有獨鍾。
放大圖片 
有翻版呂良偉之稱的 7號陳景國，擺甫士時盡騷健碩身形。
放大圖片 
來自吉爾吉斯的 11號謝傑．比薩松，在胸前擺出心心手勢搶鏡。
寄語保持笑容
Cara G.事後解釋是為參賽者緩和緊張心情：「我想感受吓佢咁好嘅身材，見佢好緊張，所以同佢玩吓，我男朋友都有玩健身，我都成日搣佢，試過放隻手喺佢個胸下面做托胸動作，佢會好嬲。」她又寄語參賽者要保持多點笑容。16位參賽者以泳裝亮相，表現亦算淡定，大部份都操得好身形，只有幾位略為遜色，但過於專注騷身材，變得似健美先生比拼，的確擁有巨胸身形男士出場時，台下反應最為激烈，而率先得了一獎的陳景國出台時， Cara G.更用手機影相。郭秀雲沒 Cara G.般狂野，她說：「眼看手勿動，有個仲細過我個仔幾年，好似同學仔走出嚟，唔會諗咗去邊。」雖然她身為評判，但卻嚴禁自己兒子參賽：「我會殺咗佢，有書唔讀搞埋啲咁嘅嘢，佢讀完書想點都得。」
放大圖片 
1號塗諾身形標準有六嚿腹肌，還擺出一副 chok樣冧評判。
放大圖片 
來自台灣 5號王子鈞樣貌和身形皆不俗，擺出雄風甫士。
靚女撫摸嗌爽
對被 Cara G.摸胸的感覺，陳景國輕佻地說：「幾爽，平時都有好多女仔想摸我，不過我會迴避，今次呢個係靚女就算啦！」他表示一雙巨胸花了十幾年才練成，自評身形有 90分，勁敵是 15號陳冠寧，他評論對方說：「身材就唔算係出色，但反應快，智慧比其他選手好。」採訪：魯萍攝影：林德雄
放大圖片 
香港代表 14號羅廣森身高只有 5呎 6吋，是最矮的參賽者。
放大圖片 
上海代表 15號陳冠寧，相比起大部份參賽者，身形明顯輸蝕。
Cara G.見到陳景國誇張的胸肌時，忍不住出手狂揸。
Cara G.強摸亞生胸部
《2011亞洲先生競選》16位參賽者昨日首次以泳褲示人，陳景國被其餘15位參賽者票選為「最具攻擊性超級男」，評判團之一的Cara G.於頒獎時伸手撫摸及從後按實陳景國的胸部，她表示希望以此令對方放鬆，陳景國說：「感覺好爽！平時身邊啲女性朋友都會咁做，不過會迴避，但係佢咁『令女』就算啦！」郭秀雲笑言看見16位參賽者好像看着兒子的同學在參賽，問到若兒子參賽會否支持？她說：「我殺咗佢！有書唔讀走去玩呢啲嘢！同我搞掂個文憑先，搞掂佢想做乜都得。」邱士峻則有信心進入三甲。
Cara G.從後按實陳景國胸部，郭秀雲（右起）與王欣笑不攏嘴。
留言列表
