高海寧自爆過節失身
高海寧前晚一身低胸打扮，在電視城為節目《姊妹淘》擔任嘉賓，當晚節目大談失身話題，高海寧被問到是否在平安夜失身？她尷尬地說：「唔係，不過都係大時大節。」她又透露曾織頸巾當聖誕禮物送給男友，但當親自送上門時，竟發現男友在家中約會另一個女仔，她直說：「以後我都唔會織頸巾畀男仔。」至於今年聖誕節，高海寧透露仍未有工作，因此她計劃搞派對。是否打算以超性感造型出現電暈男士？高海寧笑謂：「我諗住搞主題 party，近日我成日俾人話似卡通人物翠兒，所以打算以呢個造型出現。」採訪：楊潔雯攝影：葉君海 
高海寧計劃搞聖誕派對，並以翠兒打扮現身。
高海寧大膽談節日失身
高海寧前晚擔任《姊妹淘》嘉賓，大騷三吋事業線，「胸戰」主持莊思敏及羽翹，戰況激烈！高海寧揚言在節目上大談「第一次」，靠言論大膽先贏一仗！
高海寧一向以性感見稱，故莊思敏前晚開中門兼大騷玉背迎擊，羽翹亦穿上低胸長裙，上圍呼之欲出，以事業線「夾攻」高海寧，可惜「峰」頭仍被高海寧搶去。高海寧透露原本準備好的衣服因上圍不合身而被迫換衫：「因為今集節目講聖誕服飾，所以着得Grand啲靚啲囉！（平時聖誕都咁着？）聽人講着黑色同白色衫會氣質好啲o架！所以唔打算着太多色。」
扮翠兒引仔埋身
節目常討論大膽的話題，高海寧說：「原來J2台可以講得放啲！（平安夜、失身夜？）屋企管得我好嚴o架！唔畀出夜街！（喺節目講第一次？）佢哋問我就唔怕講，係合法年齡！係學生嘅大時大節囉！」單身的她於聖誕暫時未有工作，故考慮辦化裝舞會：「最近好多人話我似翠兒同埋阿童木個妹，所以我可以扮卡通人物！（約男仔出去玩？）等男仔約啦！歡迎約我o架！」
影視組
深知「心胸」不及高海寧廣闊的莊思敏（右圖），以大露背迎擊，挽回一點面子。
劉倩婷公開戀情後零舍Sharp，笑起來嘴角含春。
莊思敏的事業線從微縫中隱約透出，唔夠大方噃！
三個女人一個墟，高海寧（右起）、羽翹和莊思敏傾到眉飛色舞。
留言列表
