明星靚相大分享☆

朱凱婷 01年選港姐獲季軍，舊年佢嫁畀拍拖 5年嘅飛機師男友 Dickens Lam，婚後兩人過咗短暫嘅二人世界後，朱凱婷心急為老公傳宗接代，兩人都積極展開造人計劃，最後成功製造小兔女。今年年中朱凱婷宣佈成功懷孕，之後佢刻意減少工作，上月佢挺住大肚子出席無綫「長期服務暨傑出員工」榮譽大獎頒獎典禮晚宴，佢親自領取完十年金牌，就全面停工準備做媽咪，前日佢喺沙田仁安醫院剖腹產女，母女平安，小 B女重 6磅 12安士。

放大圖片

去年先結婚嘅朱凱婷，婚後同老公積極造人，前日誕 B女，一家三口幸福滿瀉。

放大圖片

朱凱婷前日剖腹誕下愛女 Sheryl， B女仲同媽咪個樣好似㖭。

爸爸興奮剪臍帶

朱凱婷夫婦第一時間同囡囡改咗英文名 Sheryl，小 B女生得精靈可愛，外貌似足媽咪。產後朱凱婷第一時間餵人奶畀囡囡食，仲興奮話：「我喺手術室第一次聽到個女嘅喊聲，真係非常感動，自己只係希望囡囡可以健康快樂咁成長。」而啱啱榮升做爸爸嘅 Dickens原來亦有陪伴愛妻入產房，之後佢仲親自為愛女剪臍帶，令佢又激動又興奮。


朱凱婷話喺手術室聽到 B女嘅喊聲好感動。

朱凱婷誕6磅12安士兔

無綫藝人朱凱婷與飛機師Dickens結婚不久，便宣布懷孕，期間依然出席活動，分享幸福點滴。前日朱凱婷在仁安醫院剖腹產女，BB女重六磅十二安士，非常健康，英文名是Sheryl。初為人父的Dickens緊張地等待愛女出世，並親自剪臍帶。朱凱婷透露忙於餵母乳：「喺手術室聽到個女第一次嘅喊聲時，真係好感動！希望佢健健康康咁成長！」

朱凱婷與丈夫及愛女一家三口，幸福滿瀉！