Jeana 掛住拍拖收起性感 Mia 瞓身谷胸贏兩球 @ 明星靚相大分享☆

Jeana掛住拍拖收起性感 Mia瞓身谷胸贏兩球

模陳靜儀（Mia）和何佩瑜（Jeana）昨日以背心短褲造型拍攝「OPS！Objects」平面廣告，近日盛傳和張柏文柏拖的Jeana刻意收起性感，被同場性感擺甫士的Mia大搶風頭，Mia拍照時瞓身趴在梳化上，即時波濤「胸」湧，大搶風頭。

早前周秀娜化身電音美女與師妹Annie G及Hailey C為「OPS！Objects」拍攝平面廣告，而昨日就輪到Mia、Jeana、Suki及Hidy到柴灣拍攝，四人齊齊穿上背心短褲上陣，不過近日盛傳與張柏文打得火熱的Jeana就收起性感，即時失色不少。

開工被抽水
現場焦點就落在Mia身上，她除了大騷事業線外，更瞓身趴在梳化上任傳媒拍照，認真搏命。剛連續拍攝新片《喜愛夜蒲2》17小時的Mia自言十分疲累，攰到連對手叫甚麼名字也不知道，她說：「同一個TVB主持拍咗一場好激嘅戲，場戲係講我被抽水，今次喺戲中有好多新嘗試，初吻、床戲等第一次都畀晒Avis（周秀娜男友），我知娜姐唔喺香港，佢已名草有主，亦唔係我鍾意類型，不過如果佢想睇我本寫真（全裸寫真）都會送畀佢。」有傳苟芸慧拍攝《喜2》時因向導演錢國偉放生電，令導演女友味之天使陳宛蔚大動肝火，最終苟芸慧被降為大茄。

Jeana認發酵
問到Mia是否覺得苟芸慧放生電，Mia就說：「佢OK嘅，我都俾佢電到，自己望佢都覺得好靚，但同佢唔熟，見過一兩次，對方好nice。好似話佢拍劇嘛，所以先由連詩雅頂上，不過導演同女友出嚟好乖，總之有女友喺度就更乖。」此外，Jeana早前被發現與柏文買餸被對方摸pat，昨日她支吾以對，強調他只是扶一扶自己，不過問到兩人是否拍拖時，她想了一回默認說：「醞釀緊，發緊酵囉，我同佢識咗四年，間中都有一齊食吓飯。」採訪、攝影：張俊銘

Mia瞓身趴在沙發上，令胸前更有壓迫感。