羅凱珊（ Kama）與翻版 JJ梁筠兒（ Bambi）昨日到奧海城出席遊戲機活動，大會安排一名男士於打機時扮暈倒， Kama與 Bambi即上前急救。昨日所見 Kama上圍升 cup，鼻樑又變得筆直，問她是否做手術豐胸？她說：「冇呀，只係個 bra好神奇，係 push up bra，我係肥咗啫，同以前一樣 cup，以前冇咁 full，家 full啲。」至於鼻樑變直，她解釋只是用了閃粉後的錯覺。

將全職讀書 放大圖片

（左起） Juno、 Kama及 Bambi為現場扮暈的男士進行急救。

此外， Kama透露會全職讀書，問她是否覺得自己人氣跌，故鋪定後路？她說：「我唔了解呢條問題，我係想向更好方面發展，舊年收入都 OK，媽咪有幫我儲起。」採訪：顏英儀攝影：陳俊強


Kama不只上圍升 cup，連鼻樑也突然變得筆直。

Kama 變臉 兼升 Cup 

Kama胸鼻變索認做手腳

潮流興整容，不少藝人為求省鏡不惜「重整五官」，久未露面的模羅凱珊（Kama）昨日出席公開活動時，被發現眼、鼻、下巴及胸部離奇「變形」，被質疑「做手腳」的她一臉得戚說：「冇所謂，大家覺得我靚咗都開心！」

谷胸上陣的Kama，眼、鼻、下巴及胸都離奇「變形」。

身為第一代o靚模的Kama初出道時因工作態度惡劣而人氣下滑，銷聲匿迹一段日子的她昨日重出江湖，與新一代o靚模梁筠兒（Bambi）及麥浚龍（Juno）出席奧海城舉行的「MGS-PW遊戲Game活動」，兩位新舊o靚模不約而同身穿迷彩低胸上衣谷胸上陣，但Kama卻憑大而有神的眼睛，尖尖下巴，胸部離奇豐滿似由32Ｂ變34Ｄ，鼻樑亦忽然挺直而成功搶鏡，對於予人「胸」一亮，Kama解釋：「我成個人都肥咗，所以豐滿咗！（整咗形？）冇，只係戴咗神奇push up bra，但cup數都係差唔多！」

寸爆經濟冇問題

記者質疑她鼻子形狀跟以往不同，Kama說：「我之前食咗啲藥皮膚靚咗，所以今日冇搽粉底，個鼻可以郁架，同埋我喺個鼻度搽咗啲反光粉底，所以影相直啲！」樣子突變的Kama被問到會否擔心被指整容？她不但沒加以否認，還理直氣壯說：「冇所謂，大家覺得我靚咗都開心！」

一年一度的書展將到，Kama卻透露今年不會推出寫真，反而會進修商科及市場管理，但她否認退出模特兒界，只希望可以間中接Job搵外快。問她是否因為人氣跌而要讀書鋪定後路，她寸爆說：「我唔係好了解你話搵後路嘅講法。」問到經濟方面可支撐得住？Kama大口氣說：「之前都儲落啲錢，同埋媽咪幫我投資有少少獲利！」

初出道時的Kama，樣子清純。

Kama側面睇，下巴唔同咗。

Bambi（左起）、Juno與Kama現身遊戲機活動。

Juno愛着內褲打機

此外，同場的Juno自爆喜歡身穿背心內褲匿於房中打機，他說：「呢個係我嘅私人空間，我好享受架，同埋我唔鍾意連線打機，係一個奇怪嘅宅男！」

34DKama疑大執走樣

o靚模羅凱珊（Kama）昨日被發現離奇「走樣」，下巴兜、顴骨脹和胸部突然升Cup，惹來整容疑雲，同時她透露今年避戰不出寫真；但另一邊廂，胡心諾卻揚言會為寫真集全裸上陣！

不少藝人為求省鏡，不惜在外表「做手腳」，但出來效果因人而異。已有一段時間沒有出席公開場合的Kama，昨日偕同新一代o靚模梁筠兒（Bambi）和麥浚龍（Juno）出席奧海城舉行的遊戲機活動。Kama和Bambi均身穿低胸上衣「胸戰」，惟Kama除了面圓身形脹爆外，更被發現全身離奇變樣，她的顴骨脹、下巴兜、雙眼圓大有神、鼻樑筆挺兼上圍升Cup，由33B激變34D，外貌判若兩人，即時被質疑整容。

昨日被問到是否因人氣下滑而要讀書鋪後路，Kama寸爆說：「我唔係好了解你話搵後路嘅方法。（經濟方面撐得住？）之前都儲落啲錢，同埋媽咪幫我投資有啲獲利。」此外，同場的Juno自稱是「奇怪的宅男」，他愛穿背心內褲躲在房中打機，認為這是他的私人空間。

專案組

羅凱珊離奇變樣，惹來整容疑雲。