容祖兒、宣萱和陳逸璇等昨日到銅鑼灣出席「 Breast Concern Action關．乳．愛」啟動禮。擔任愛心之星的祖兒自嘲微波身材，她說：「雖然我都未必搵到，但唔好以為自己冇乜，呢個病冇分大細。」她表示剛從南京針灸聲帶返港，提到蔡卓妍（阿 Sa）似無意買英皇新樓盤被指倒米，祖兒說：「買唔買好視乎個人，佢點會唔支持。」

陳逸璇露 T-back 放大圖片

陳逸璇昨日在活動上，不慎露出 T-back內褲。

有傳阿 Sa約滿不續約，祖兒說與阿 Sa同樣簽公司 15年，阿 Sa比她遲入公司，故應未約滿。另外，有意復出樂壇的陳逸璇上台時露出 T-back內褲贈興，事後她說：「襯番主題，可能太耐冇出嚟，生疏同失手走光。」宣萱則透露剛做完手泡手術，她又謂不會找獸醫男友為她檢查乳房。　採訪、攝影：溫敏芝


祖兒自嘲身材平平無奇，但會定時檢查提防患乳癌。

祖兒自嘲貧乳難尋

樂壇天后容祖兒昨日出席乳癌活動，自認「微波」的她笑言細到連自己都找不到，更承認購下英皇地產「維壹」樓盤，投資了得的她透露手上有多個物業收租，「升呢」成為億萬富婆。

容祖兒有多個物業收租，躋身億萬富婆行列。

容祖兒昨日與宣萱、泳兒及前歌手陳逸璇出席由鄺祖德擔任愛心大使的「BReast Concern Action關‧乳‧愛」活動，穿上低腰牛仔褲的陳逸璇上台時不慎露出粉紅色T-back，搶盡風頭。

剛由南京針灸喉嚨返港的祖兒透露聲沙問題已好轉，有意介紹醫師給好友陳奕迅，問到有否做乳房檢查？祖兒笑笑口說：「搵極都搵唔到。（點都有啲？）真係搵唔到架，唔好提喇。」

大方談合約條款

問到為何缺席前晚「維壹」的酒會？祖兒說：「要做嘢，唔係唔支持。」祖兒承認考慮了數日才扑錘買「維壹」，問到樓價是否小數目？她笑說：「唔係，係慎重決定同考慮。」手持多個千萬豪宅物業的祖兒成功躋身億萬富婆行列，不過她卻避談說：「唔講喇，積穀防饑啫，一向都低調，依家持有嘅物業都係收緊租。」

對於有指好姊妹蔡卓妍將約滿英皇，祖兒否認說：「應該冇咁快，佢仲遲過我簽約。」並大方透露合約年期及部分條款，她說：「十五年合約入面，十年死同五年生，不過五年生約係由公司決定，如果唔簽就唔可以喺娛樂圈發展。（即係五年死約？）係架，一定死。」記者昨日見她除去與密友何韻詩的情侶戒，但右手仍戴住情侶鏈。

陳逸璇香艷出擊，懵然不知。

陳逸璇唔知走光

同場的宣萱表示不會搵獸醫男友為她檢查乳房，她說：「會尷尬，出去搵醫生做好啲，之前做過『夾胸』檢查，雖然好痛，但為咗健康幾痛都做。」

而陳逸璇對於走光懵然不知說：「係咩？（好香艷？）襯番個主題。」並承認太耐沒有參加公開活動，她說：「生疏咗搞到失手。」

鄺祖德與姐姐鄺靄慧醫生搞活動，撐場的宣萱（右）右手早前施手術後仍留有疤痕。