從側面睇，林峯個下巴中間個凹位最明顯，生成成個鬼佬下巴。
變臉工程
整上癮 林峯潮變蝦餃下巴
2010年06月02日
呢期林峯都算威，年初爆冷奪得「亞太區最受歡迎男歌手」，再電影發圍開行 turbo拍《翡翠明珠》和《抱抱俏佳人》，下月 encore紅館舉行演唱會，歌影視三線谷行。
新劇《談情說案》雖被喪插係山寨版《神探伽俐略》，林峯無論角色衣着打扮照 copy日本靚佬福山雅治，但愈鬧愈爆，首週已高收平均 31點。人氣升，面容輪廓亦不斷升呢 sharp晒，眼皮變深鼻樑變挺都唔夠，最神奇係最近林峯下巴二度發育，變得修長挺拔成隻蝦餃咁。呢個謎，伽俐略未必破解到囉！
入行 12年，一直得寵嘅林峯，唔只有家底唔使憂，最緊要得高層愛錫， 01年憑電視劇《尋秦記》接古天樂棒上位，家更指名力谷上位做「天王」。
'98
林峯 98年加入第 13期無綫藝員訓練班， 12年前嘅佢面形起角仲眼細鼻又扁。
'09 5月
1年前林峯拍攝《峯情無限 Let's Get Wet演唱會》海報時，下巴明顯較短，更加唔見有凹位。
上星期林峯出席《萬眾同心公益金》節目，下巴由短變長，即使唔講嘢下巴亦會離奇出現凹位，同蝦餃仔一模一樣。
蝦餃仔 Chace
我先係真貨喎！
設計對白
又再變臉
林峯因天生髮線較高，入行冇耐已經秘密植髮遮掩，所以除咗御用髮型師外，一律唔俾人掂佢個頭！
最近有指林峯因紅生驕而「公子病」發，搞到台前幕後尊稱林峯為「林公子」。既然有「公子格」，當然要有「公子款」配合。林公子外貌由出道開始亦與時並進，數年間由昔日嘅高髮綫加扁口扁鼻，搖身一變面形變尖，輪廓分明。其中，本來鼻樑塌闊鼻翼嘅鼻，隨知名度一起攀升變高挺，積極配合林公子嘅俊俏小生形象。近日本刊再發現林公子本來短小嘅下巴忽變精緻蝦餃，難怪有網友質疑林峯整過容。
週六（ 29號）晚，林峯出席《萬眾同心公益金》節目，回應變臉一事，點知林公子笑足全程，都唔肯講：（近嚟見你塊臉尖咗、下巴靚咗，係咪又去整容呀？）「唉，你哋又炒冷飯，人哋都講緊我有『公子病』啦！有冇啲新嘅嘢呀，好無聊呀！」
蝦餃下巴咪夠新囉，又唔見你肯答！
蝦餃潮
娛圈中人以面口搵食，尖長下巴一向係美麗標準，當然人人趨之若鶩啦。但奇在有啲明星明明下巴天生短小，忽然變尖變長變蝦餃，難怪會令人懷疑佢哋整容啦！
黃曉明
同樣有個蝦餃下巴嘅「海綿蛋糕」黃曉明家面口和出道時兩個樣，更被踢爆下巴有疑似手術疤痕，但「蛋糕」解釋係早年拍劇受傷所致。
徐熙媛
大 S徐熙媛由短下巴變尖長，被懷疑整容，大 S澄清話：「我瘦了，下巴當然比較尖，如果看不出來，就不夠專業。」大 S下巴伸縮力之強亦相當專業。
Kama
今年 1月初話去台灣搵食嘅 Kama（羅凱珊）回歸香港後，鼻高咗、唇亦豐滿埋，以往肥短下巴，如今尖到可以插死人。
堅餃
大美人林青霞天生尖靚下巴，更曾經成為大眾嘅整容對象。
經典餃
H邱淑貞於 87年參選港姐，被同屆候選佳麗王鶯踢爆隆下巴，本來大熱嘅佢被大會勸喻而退選。
整下巴愈來愈普遍
上天欠你嘅，醫生還畀你。原來加長下巴一路都有價有市，顧客有兩成仲係男性添。香港整形外科專科醫生何維新醫生（左）表示，現在修葺下巴已經愈來愈普遍，而且仲非常方便：「家最新嘅方法係於下巴注射透明質酸，用填充方式拉長下巴，手術簡單可以即日出院，比起開刀植入假體更方便同唔易發現手術痕跡；效果維持半年至 9個月，透明質酸會慢慢被身體吸收同排走，到時候就需要再打喇。」
愈抄愈紅
多得《談情說案》，「阿太區最受歡迎」林峯終於衝出香港，紅到日本。新劇於今月 24號才出街，但早於 22號日本雅虎頭條新聞已出現一篇叫〈過度抄襲福山雅治主演的神探伽俐略：新劇《談情說案》在香港引起批評〉嘅文章，大彈《談》喪抄日劇《神探伽俐略》「抄得太過分」！唔只日本網民寸爆山寨港劇，連本地網民都槍頭一致對內，炮轟 TVB。抄劇抄到喪權辱國，《談》劇監製劉家豪只有無厘頭死撐：「（劇中）有一輛食環署洗街車，這些日本劇一定冇！」嘩，咁都得？
日本雅虎除咗指出《談》點樣抄《神》外，亦報道咗另一套劇集《飛女正傳》有抄奧瑪花曼主演嘅電影《我的超人女友》之嫌，明寸 TVB有鋪抄癮。《蘋果日報》圖片
明明倒模一樣， TVB依然死撐冇抄襲，搞到上埋日本頭條新聞，網民當然群插。
林峰整容上瘾 割眼收鼻潮變蝦餃下巴
林峰
林峰最近十分威風，年初爆冷奪得“亞太區最受歡迎男歌手”，再勇闖電影圈拍《翡翠明珠》和《抱抱俏佳人》，下個月又將在紅館舉行演唱會，歌影視三線發展。
林峰人氣升，面容輪廓也不斷升級變靓，眼皮變深鼻梁變挺都不夠，最神奇的是林峰下巴最近二度發育，變得修長挺拔十分像蝦餃。這個謎不知道什麽時候能解開了。
留言列表
