Android 手機 SE X10 mini 智迷你 Angelababy－明星靚相大分享☆

Angelababy身形嬌小又可愛，的確又幾討人歡心。同樣道理，手機設計得細亦一樣多人鍾意，好似SE新機X10 mini仲細過八達通，號稱目前最迷你Android手機，加上可換顏色機殼，可愛指數爆晒燈！

售價︰$2,480

撰文︰陳志滔　

攝影︰陳世昌　

機仔細細但一樣有音量及快門掣，但稍嫌過於扁平，冇指甲好難用。

跟機送3.5mm耳筒，毋須用轉插。

查詢電話︰8203 8863

microSD卡支援熱拔插，不過電池罕見地啤死在機身內，不能自行更換。

抽走了Mediascape功能，聽歌要靠獨立介面，不過依然有齊唱片封套及歌名。

X10 mini一心打女仔市場，因此僅提供4個拍攝場景模式，其他進階選項一概欠奉，夠晒傻瓜。

細過八達通

手機「Mini」潮由Nokia N97 mini帶起，之後又有HTC HD mini，但講「細」，SE X10 mini就贏足幾條街。事關佢只有83×50×16mm大小，重量亦僅有88g，比舊款X10足足細咗30% ，正面看比八達通仲要小。雖然外表有點像玩具，但用料沒有馬虎，機面採用了鋼琴烤漆物料，機背則是漸變色拋光塑膠底蓋，而除出廠的黑色外，跟盒還送白、紅及粉紅，又或青檸、銀及灰兩組顏色底蓋其中一組，方便女孩子天天隨心情或衣着換款。

保留Timescape，可把通訊及社交網的歷史綜合處理。

機背設計簡潔，只有一組500萬像素鏡頭連LED閃光燈。

仲細過八達通，好鬼可愛！

瘦身Android

機身變輕巧，屏幕無可避免大縮水至2.55吋，解像度亦只有標準的240×320，但正因如此，單指便能橫跨整個屏幕。廠商亦針對此點稍為簡化了Android 1.6系統，例如首頁不像從前般可無限制地加入Widgets，只能放在中央及四個角落上，數量是少了很多，但就避免太多Widgets造成混亂，更易於操作。

隨盒附送白、紅及粉紅，又或青檸、銀及灰兩組顏色底蓋其中一組，用家可天天換款。

另外，屏幕不支援Multi-Touch，不過睇相時只要在相片上長按一秒，便能進行「單指縮放」，手指上下郁就可放大縮小，睇相依然好方便。

Timescape重溫通訊歷史

處理器方面，X10用1GHz CPU，今次系統簡化了，用600MHz已經綽綽有餘。

實試下開啟程式同轉頁都好順，影相時對焦速度亦沒有減慢，好啱Snapshot用。但要注意常見的微笑快門及臉部偵測抽走了，只餘下自動、微距、黃昏及運動4個模式，冇以前咁好玩。不過上代大獲好評的Timescape就保留下來，可將過往的電話及短訊，或Facebook、Twitter等社交網站的更新全部收錄，再以立體Timeline形式作歷史記錄，以前同朋友做過乜一睇就知道。