A. Lin DaDa Lo要周秀娜食塵

o靚模寫真戰即將爆發，由A. Lin（裴殷）及DaDa Lo（盧頌之）組成的SugarBeez露底迎戰，叫一眾對手食塵，更揚言要擊敗同門師姐周秀娜，問鼎「宅男女神」之位。

積極的A. Lin自掏五位數字學唱歌。

舊八模在今年寫真戰中分拆上市，A. Lin及DaDa組成的SugarBeez走純情路線，在乳戰中露底凸圍：「雖然我哋Cup數唔夠勁，但人數搭夠。今年本寫真意識上性感，有比堅尼、澡堂相，仲有着住校服踩單車露底。」面對「F Cup女神」羅靖琋（Bella）及「浸大E神」楊梓瑤（Carol）等夾擊，DaDa質疑對手的真本領，考慮出「股」惑還擊：「好似流流哋咁，個個都咁勁，唔知佢食乜大！我哋自問事業線唔夠長，Pat Pat就有36吋，露後面條事業線得唔得？做T-Back代言人都得喎。」

由A. Lin及DaDa組成的SugarBeez，向眾o靚模宣戰，更想打低周秀娜做新女神。

有衝動拍裸戲

SugarBeez向所有對手下戰書：「出書嘅Model同我跪低同踢開，書展冇佢哋份，請Annie G.及Hailey C.組成的MonsterBeez食香蕉，其他Model就食塵啦！真心希望周秀娜賣得好，但想砌低佢，佢霸咗個女神位太耐。」曾被指五音不全的A. Lin錄新歌，自掏五位數字學唱歌，兩人還接拍殭屍片，而DaDa有意挑戰性感尺度：「睇完咩戲都有衝動想拍，睇完激情片都有興趣拍裸露戲。」

同門廝殺

一眾o靚模如箭在弦，未鬥靚相先鬥聲勢，連同門亦開火廝殺，火藥味甚濃！

周秀娜：「佢兩個喺日本影相時，我咁啱又喺度，見到佢兩個為寫真操到好Fit，應大嘅地方大咗，希望佢哋有好成績。」

MonsterBeez：「雖然係同門，但佢哋揖揖讓讓唔會勁得去邊，我哋明刀明槍鬥，都係喺日本影，買晒兩本咪知邊個勁啲囉！」

新八模Jeanna及Suki：「見到佢哋一年裏面進步咗，不過我哋唔會輸o架，安心交棒畀我哋啦，我哋個個勝在年紀夠輕。」

相當年

被譽為「宇宙最強」的甄子丹，最近他所主演的電影《葉問2》大收旺場，除了片約滔滔不絕外，亦奠定了子丹成為功夫電影巨星的地位。不過他擁有今時今日的地位前，亦付出過不少汗水及努力。

出名打得子丹，原來在童年時已經活躍好動，經常舞刀弄劍。

2003年，子丹與相識僅3個月的三料華裔小姐冠軍汪詩詩結婚，二人年齡相差19年。

子丹自嘲是怕老婆的男人，又愛錫子女，一家相處融洽，被譽為模範家庭。

武功高強的子丹亦有鐵漢柔情的一面，懂得彈奏鋼琴，多才多藝。

2005年，子丹憑電影《殺破狼》打出名堂，在戲內的拳腳格鬥被香港觀眾再度關注，令他勇奪金像獎「最佳動作設計獎」。

子丹憑電影《葉問》系列再創事業高峰，飾演一代宗師讓人動容，除了票房勁收外，亦令他成為新一代的動作巨星。