明星靚相大分享☆

香港星媽：小朋友要均衡發展 樂壇天后陳慧琳：

「家嘅小學生都要接觸外界資訊，唔可能完全唔畀佢哋用電腦、睇電視，應該取得一個平衡。至於功課成績，我覺得小朋友盡咗力就可以，唔應該畀佢哋太大壓力，我贊成小朋友喺一個無壓力下嘅環境開心成長。」

潮人徐濠縈：

「我認為呢個年代教仔女係冇得逼亦逼唔嚟，盡量各方面平衡，視乎小朋友天份興趣上栽培，如果真係唔鍾意讀書，但係知佢盡咗力就得，唔使一定攞 A，盡咗力嘅攞及格以上成績都接受 o架啦。雖然打機同睇電視唔係好健康嘅活動，但係完全唔准（打機）就等如 cut咗佢嘅 social life，喺呢個年代嚟講算係少少虐待。」

名模琦琦：

「我覺得乜都唔准小朋友做未免過份，小朋友要均衡發展，睇電視可以選擇新聞節目，佢哋會了解到世界同社會大事。家係新時代，學校會要小朋友上網做練習，只要適當使用電腦都唔壞，唔用反而脫節；成績固然重要，但品行同待人處事更重要。我唔認同那位中國媽媽咁樣管教子女係虐兒，只係佢同西方媽媽大家標準唔一樣。」

藝人薛家燕：

「可能個媽媽怕小朋友沉迷打機、睇無謂嘢，但唔畀佢哋上網睇資訊唔得，因為好多學校都要上網做 project。其次好多小朋友都好精靈，例如學鋼琴、打籃球，佢哋有呢方面紓緩反而會積極做好功課。每個小朋友有佢哋天份同專長，讀書唔好未必唔係一個成功嘅小朋友。我覺得個媽媽比較偏激小小，同埋思想上有小小虐兒。」


陳康堤