盧覓雪對食好嘢的熱情，唔好話喺香港山旯旮咁遠都要開車去食，即使今次飛到馬來西亞，反轉吉隆坡各大食肆之後，嗜食大軍繼續北上殺入霹靂州首府怡保。記者、攝影：蕭漢祥鳴謝：馬來西亞旅遊促進局（香港分局）、馬航假期、恆利旅運、 Novotel Kuala Lumpur City Centre
趕路搵食之旅 放大圖片 
■去到怡保必定會俾人問：「你食咗芽菜雞未呀？」
講到好似進攻怡保（ Ipoh）一樣，因為今次跟盧覓雪（ Michelle）去怡保的喪食程度，遠超之前在吉隆坡的情況，唔把握時間，恐怕幾日之內都食唔晒。當日晨早由吉隆坡出發，全程又直又平的高速公路，都要坐超過兩小時車先到，難怪有個模特兒朋友話，她之前 keep住以超過二百公里開車都要揸好耐，結果更谷爆引擎當場跪低。但今次係為咗搵嘢食，為何又要咁趕呢？原因有二，第一係當地食店奉行「賣晒就閂門」的習慣，唔似香港咁賣晒就即時入貨，開門到深夜為止，好似第一間到訪的「老黃」店，去到都好驚食唔到。
必食 1肥美多汁芽菜
「老黃」位於一個十字路口，從前的怡保人口及遊客不多，揾位容易；但這次一落車，即見人山人海，老黃更是座無虛席，直情要坐到出馬路，好壯觀！ Michelle嚟到一坐低即點了一碟雞雜、豬肉丸等，但重點都不在此，而係……芽菜雞，仲要係芽菜比白切雞更重要！小記心想唔係呀，芽菜在香港不單止不值錢，有啲人點菜直情會走青走芽菜㖭。食店第三代老闆 Simon兄解說，由於怡保出產的芽菜特別肥美多汁，煮熟上碟時只要加豉油、麻油和胡椒粉已經好好味，每日入貨約 700公斤都可以日日清。小記試食後發現，怡保出產的芽菜較香港的肥和短，但食落真的清甜多汁。究竟係芽菜打咗肥仔針？定係佢哋太好食好住養肥咗？當然要研究吓。
放大圖片 
■芽菜雞其實係一碟肥美芽菜及一碟白切雞分開上，但客人坐低都一定會「芽菜雞」咁點菜。芽菜約$20.3、白切雞約$101.6/隻
放大圖片 
放大圖片 
■老闆 Simon話 700公斤芽菜日日清 o架！
放大圖片 
a.老黃芽菜雞沙河粉地址： 49 Jalan Yau Tet Shin
芽菜降溫秘技 放大圖片 
■芽菜良教大家辨識芽菜：自然種植芽菜（左）芽身明顯較肥，藥水芽菜（右）芽身較瘦長。
講到芽菜，小記真係好好奇，香港食到的又幼又韌，但怡保的就好像另一個品種、好似見到外國的窈窕淑女一樣嗒晒糖。其實怡保好多食店的芽菜，都係由一位稱為芽菜良的師傅親手養殖。養得靚唔使好似打機咁「 chok秘技」，而係要靠天時地利人和，芽菜良準時為芽菜淋水降溫，減慢發芽速度，再加上非常重要的地下優質水源，令芽菜於成長的 5日之內，肥肥白白的長大成「菜」。
放大圖片 
■原先只一小桶芽苗， 5日就發芽至半個人高，全賴芽菜良準時給它們補水。
放大圖片 
■芽菜良的基地隱藏在一堆矮小民房之中。
必食 2魚蛋王子 點半賣晒收檔 放大圖片 
之前話去怡保食好嘢要趕時間，以下呢間就係第二個原因，未去過怡保的朋友可能唔知，怡保係一個時空交錯的地方，有着六七十年代的環境、八十年代的衣着，但睇緊 2010年的 TVB劇集，林峯在當地有好多 fans的，難怪攞「亞太區最受歡迎」獎啦！當地人工作時間更令港人羨慕，好多餐廳營業時間只係得半日，過着 quality of life的生活，唔趕嚟肯定會食唔到。當地食肆又好興一舖幾個租戶，有人提供水吧服務，其他就提供不同菜式，直情就係 food court的始祖。講番 Michelle推介新聯利茶餐室內的榮貴粉檔，雖則菜式平民化，都係炸魚丸、豬肉丸、魚蛋河粉等，但道理好簡單，粒丸食落 feel到真材實料，而河粉又煙韌就已經係麪食值得推介的王道。少東阿 John同爸媽三口子，每日早上七點幾開檔，到下午一點半賣得七七八八就關門。咁早休息嗎？咁又唔係，關門後阿 John會由魚蛋王子搖身一變西裝骨骨出現，賣保險係佢第二職業，厲害！
放大圖片 
■點菜有如車仔 麪般逐樣計錢，所以可以「混丸河」。豬肉丸、炸魚丸約$1/粒、淨河粉約$3/碗
放大圖片 
■ Michelle最欣賞阿 John真材實料的豬肉丸。
放大圖片 
放大圖片 
■少東魚蛋王子搖身一變，成為官仔骨骨的保險從業員，佢話打兩份工仲綽綽有餘！
b.新聯利茶餐室地址： Jalan Bandar Timah
必食 3又粗又長大碌麪
到下一站， Michelle一開口就話最愛「福建啲又長、又粗的東西，咩女人食咗就滯成個月……」嘩！乜咁引人入「性」呀。計我話，唔止粗長，仲要好黑㖭！因為 Michelle講緊嘅係黑豉油大碌麪，四年多前，張氏夫婦所開的南橋茶室，轉名叫旺閣茶餐室，好香港 feel。但張師傅拿手的大碌麪，係用馬來西亞特產的黑豉油、福建的大碌麪，配合秘製的豬油渣、肉片等快手炒熟，麪身深色帶光澤，香味四溢。大碌麪只係「小食」，因為張師傅最強嘅係煮海鮮，兩三下手勢便煮出蛋黃炒肉蟹、炒蜆等，美味程度比香港出名食海鮮之地，有過之而無不及。
放大圖片 
■廚房就設於門口。
放大圖片 
■黑豉油大碌 麪混上秘製豬油渣，令整道菜炒得非常之香。約$12.7/碟
放大圖片 
■ Michelle話又粗又長，原來係福建「大碌 麪」。
放大圖片 
c.旺閣茶餐室地址： 39, Jalan Seenivasagam
Tastes in Ipoh 放大圖片 
溫馨提示：李安的《色，戒》、譚家明的《父子》等電影都在怡保取景，當地充滿六七十年代色彩，且天色又靚，啱晒攝影發燒友。
Travel Memo 放大圖片 
持特區護照或 BNO免簽證。馬來西亞領事館： 2821 0800吉隆坡三日兩夜之旅，包馬航來回機票及入住吉隆坡 Novotel酒店，每人由$2,570起。馬航假期：http://www.masholidays.com.hk
1馬幣約兌 2.54港元（文中價錢已折算港元）240V，三扁腳插座
放大圖片 
馬來西亞怡保下周有雷暴 23-32℃ 
■現在怡保旅遊業較以前興旺，老黃食客更多到要坐到出馬路。
留言列表
