吳君如、曾志偉及陳法拉等人昨日坐飛機前往新加坡宣傳賀歲片《我愛 HK開心萬歲》，旅途中君如和法拉更揸咪扮機長和空姐做廣播，但君如卻口不擇言大講「趴街」，兩人更因太長氣令機長出手搶回咪高峯。
邵氏出品的賀歲片《我愛 HK開心萬歲》的一眾演員包括吳君如、曾志偉、陳法拉、高海寧和商天娥等，昨日由香港坐飛機前往新加坡宣傳，在機上更先舉行小型首映會，播出戲中花絮，一眾演員與乘客可以先睹為快。
揸咪亂噏趴街 放大圖片 
曾志偉在飛機上率先舉辦迷你首映，其他演員都爭相先睹為快。
其間機長邀請演員到機長室參觀，結果君如和法拉被揀中，兩人到機長室聽機師講解飛機操作降落外，君如更請纓上陣又中又英做廣播說：「家開始降落，我係呢班機嘅機長，當地氣溫 100度，真係熱到趴街。」可能君如忘記機上還有其他乘客，越講越興奮。訪問時君如表示是首次參觀機長室，她笑說：「我為安全起見所以冇叫高海寧入去咋，見機長唔講嘢咪我講。」而陳法拉表示扮空姐廣播很好玩，但她自爆說：「不過機長嫌我哋講太多，所以搶番個咪。」
撐老公踩志偉 放大圖片 
吳君如、曾志偉和商天娥等昨日展開新加坡兩日宣傳之旅。
提到君如有兩部賀歲片包括《我》片以及她的另一半陳可辛的《神經俠侶》上映，君如擺明撐老公《神》片會贏，志偉笑言：「佢希望啫，大陸唔敢講，但香港我哋一定贏。」另外，君如昨晨先到東涌出席慈善步行，問到是否對《神》片信心更大？她不諱言：「梗係，勁啲嘅，我係偏心 o架，無論點一定好睇過舊年嘅《 72家租客》，因為有我做。」採訪：楊潔雯、卓寶花攝影：陳慧安 
吳君如（左）和陳法拉昨日一同到新加坡宣傳，兩人更參觀機上的機長室。
君如親疏有別撐老公貶志偉
【羅美倫新加坡直擊】同時參演兩部賀歲片的吳君如，講到明支持由老公陳可辛監製的作品，另一部戲的導演曾志偉則未驚過：「佢只可以希望！因為我哋贏梗！」
吳君如前晚由成都為電影《神奇俠侶》宣傳返港，昨晨即到東涌出席《昂步棧道2011》活動，她表示計劃過年時帶女兒到澳洲體驗農場生活，之前則要忙於四出宣傳。
志偉搞搞新意思，與新片演員在36,000呎高空舉行預告片首映。
機艙搞首映
君如今年有兩套賀歲片《神奇俠侶》及《我愛HK開心萬歲》上映，但她不怕自己打自己：「唔怕，市場消化到，樓市好電影就好，經濟好啲人心情好，就有興趣睇戲。」問到是否想老公陳可辛監製的《神》片票房更好？君如即說：「希望囉！」其後急急補鑊：「咁《我》片都好好笑嘅。」
君如昨午會合曾志偉、陳法拉及高海寧等飛往新加坡宣傳《我》片，並在機艙上舉行36,000呎高空的預告片首映，全機乘客大感驚喜，更爭相索合照。君如又化身機師宣讀廣播，她以英文表示新加坡天氣炎熱，高達攝氏100度，更說：「熱到趴街！」
君如近日忙於四出宣傳，難得她仍活力十足。
舉手認美女
初次入機長室的君如大讚空中首映夠新鮮，她說：「佢哋邀請美女，咁我舉手夠快！如果係高海寧就危險喇！（戲入面成日被人打？）係呀！得一個鏡頭係用替身。（有咗？）又講！唔係呀！」至於曾志偉表示心願是做齊海陸空的首映，對於君如偏幫《神》片，他淡定地說：「佢只可以係希望，因為我哋贏梗！《我》片係度身訂造畀香港人，我對本地票房好有信心，內地就可能佢哋贏。」
留言列表
