明星靚相大分享☆

郭羨妮逼老公入產房睇住自己生

郭羨妮與內地武指朱少杰婚後不足一年，便宣佈懷有龍 B。昨日郭羨妮在旺角出席活動時，大爆老公是緊張大師，笑言擔心將來女兒似媽咪多人追，嚴管要大學畢業後才能拍拖，打算剖腹生產的她，又謂要老公陪入產房，懶理老公怕血。

其他娛樂名人影片

將榮升做龍媽的郭羨妮，昨日在旺角新世紀廣場出席活動，分享對子女的期望，並即場向陳敏兒偷師湊仔經。穿上紫藍色鬆身裙的郭羨妮堅持穿上三吋高踭鞋，她笑言沒有知會老公：「對鞋係 platform底，工作時候先着，始終貪靚。」

放大圖片

郭羨妮透露新年會去北京陪老公朱少杰，認真恩愛。　資料圖片

放大圖片

郭羨妮自認貪靚，出席活動仍要着高踭鞋。

拒做星媽 放大圖片

懷有四個多月身孕的郭羨妮，現享受懷孕過程，未有上堂學習怎樣湊 BB。

現懷有四個多月身孕的郭羨妮，表示已重了十多磅，她說：「變化好大，未知仔定女，我就冇所謂，但老公就好鍾意女。不過我哋都擔心，如果生女將來大咗會有好多人追，老公話明起碼要大學畢業先可以拍拖。」郭羨妮對小朋友沒有太多要求，還堅拒子女做明星，她說：「我好簡單，只想佢開心健康咁成長。盡量唔畀佢入行，做平凡人有平凡人嘅開心。以前會諗點將小朋友培養成材，但家覺得做人唔使有太大壓力，開心、舒服就得，做一個好人已經足夠。」

已訂床位

早前郭羨妮自爆懷孕期間脾氣暴躁，幸得老公體諒，現在已回復溫柔一面，問到有否打老公發洩？她笑說：「我要打，佢一定畀我打㗎，我仲叫佢一定要陪我入產房生仔，最初老公都擔心，但我安慰佢，到時咪望住我個樣囉。」她已訂好床位，準備開刀生 BB，問是否已開始學習湊 BB？她說：「冇咁快，想享受吓懷孕過程先，因為拍戲時學咗好多湊 B技巧。」她透露將去北京陪老公過年。採訪：卓寶花　攝影：黃偉雄


郭羨妮逼老公入產房陪產，爆老公驚見血。