眾人皆知買車容易養車難，睇見油價起勢咁升，做車主都咪話唔心寒！想慳番啲油費，油公司啲優惠又鬼咁難捉摸，所以今日就比拼四大油公司，睇吓近期邊個至抵？結果中石化以至抵價跑出。唔想有限制齋入中石化，去到邊度入油都可慳盡一分一毫？咁大家記住要多卡旁身喇！記者：許維雅攝影：伍慶泉模特兒： Eagle


其他副刊影片 四大油公司比拼 放大圖片

 

想知道邊間油公司最抵，我哋揸車去咗旺角區四間油公司扮入油問優惠，結果間間所用嘅慳錢法寶都唔同。值得一讚嘅係雖然我哋全程混桔，但間間油公司嘅職員服務態度都好好，下次入油，大家唔怕慢慢比較。

放大圖片

 

調查日期： 3月 28日當日油價：$16.17（較平級別汽油）

中石化：我平但我飄忽最平$14.07

首個職員話入$330以上可以每公升平$1.6，但轉頭第二個職員又話要入$400以上，咁都未算飄忽，同日走入元朗壆圍油站再問，入$400會變咗平$2.1，職員解釋優惠有幾多，係來自佢哋手頭上嘅優惠券，佢哋有多啲券在手，優惠就大啲。中石化嘅優惠不停變，大家不妨唔怕醜唔怕煩問多幾區，密啲去問，捉緊平$2.1嘅機會，因為申請中石化油卡都係平$1.25咋！

放大圖片

 

放大圖片
■職員口中嘅優惠券派發地點飄忽，經大欖隧道間中會有。

■職員口中嘅優惠券派發地點飄忽，經大欖隧道間中會有。

 

地點：旺角窩打老道油站

加德士：最緊要有滙豐卡最平$14.28

已取消積分卡優惠嘅加德士，想慳番啲，一定要有多張銀行信用卡，滙豐平得最多，可以即減 5%，而恒生、渣打或大新就減 4%。若然你好彩有埋汽油優惠券，入滿$400即送$30，等同每公升$15.04，再有滙豐卡九五折，即係$14.28/公升，不過啲油券一樣咁飄忽，唔知邊度有得攞？

放大圖片

 

放大圖片
■加德士有月結油卡，首 100公升減$0.7，超過 300公升可減$1.3。

■加德士有月結油卡，首 100公升減$0.7，超過 300公升可減$1.3。

 

地點：旺角窩打老道油站

Esso：即場申請積分卡最平$14.87

ESSO積分卡着數最多，入油即時每公升減$0.7，加埋可以即場扣積分換油，賬面上夾埋可以每公升平$1.3，可以即場申請即時慳，不過入油積分就要幾星期後先有得用。若然無積分卡，有 AE信用卡都可以即時平$0.7。

放大圖片

 

放大圖片
■ ESSO油卡夠實際，可以以分換油。

■ ESSO油卡夠實際，可以以分換油。

 

地點：旺角窩打老道油站

Shell：買得多平得越多最平油價　視乎簽賬額

Shell積分卡可以每公升平$0.6，其實只要畀現金，職員都有積分卡幫你減，不過慳得最多係 citibank信用卡，零售簽賬消費一次，入油可以平$0.7，簽賬過$1,000再平$0.1， Shopping越勁越慳得多。

放大圖片

 

放大圖片
■油公司信用卡鼓勵車主簽賬換平油。

■油公司信用卡鼓勵車主簽賬換平油。

 

地點：旺角亞皆老街油站

油價計算機　 Keep住 Update 放大圖片
http://www.consumer.org.hk/pricewatch/oilwatch/

http://stacylife.pixnet.net/blog

有人話 Shell好，有人嫌加德士燒油燒得快，亦有人話燒得快即係靚油，都唔知信邊個好！阿媽話貪平無好，諗住嘗試求證邊間油公司啲油最好，結果？運輸署回應話唔關佢哋事，消委會就話無比較過汽油成份，只有一個油價計算機於網址內供市民參考。汽油價格同優惠都日日鮮，有呢個計算機 Check住油公司啲優惠都唔錯，因為網頁內列明油公司啲優惠都幾清楚，資料都幾準確，除咗優惠比較飄忽嘅中石化同我哋嘅調查有少少出入，同埋唔識結合優惠攞着數外，基本上用來 Check住每星期更新優惠及比拼油價都係幾好嘅途徑。

香港油係靚米 放大圖片

 

究竟邊個牌子啲油好，好難找答案，不如聽聽香港汽車會副會長江日雄嘅意見，「每間油公司都唔會將溝油嘅 Formula公諸於世，所以實在好難有根據比較。在於我立場，就間間都入，間間都試過，最緊要順路就腳，因為我個人覺得唔會有太大分別。當然，你要細分燃燒效果，添加劑唔同係會有些少影響，不過大前提一定係香港入得嘅油絕唔會影響汽車零件，因為香港嘅油以國際標準來計算，質素已經幾高，道理好似食飯咁，米有唔同口感，但一定唔會影響健康！」


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄