十•一國慶，香港福建社團聯會喺會展舉行第八屆會董就職禮，身為福建幫嘅林峯，即使忙到唔得閒去自己做男主角嘅新戲《白蛇傳說》首映，都抽時間傍住佢個「廈門李嘉誠」老豆去就職禮。


做孝順仔做到足，林峯當晚不停陪住老豆同班世叔伯招呼傾偈飲番杯，冇離開半步，想話坐低休息吓，轉個頭就有人埋嚟叫合照，chok峯就算攰到出晒面，一樣有求必應，成晚做布景板企多過坐，八珍睇相都戥佢辛苦。
又係嘅，當晚現場九成九人，「都係禍（林峯）同鄉嚟個喎！」 ####


陪老豆林華國（箭嘴）出席國慶兼就職晚宴，林峯打晒bow戴眼鏡，收斂chok樣。


唔係同fans合照，就係老豆介紹世叔好友打招呼敬酒，全晚俾人輪，林峯企多過坐。


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄