搞出人命國內雜誌《南都娛樂周刊》爆料，指公安早前就「京城四少」之一嘅王爍，涉嫌非法藏有槍械一事到佢屋企進行搜查，除檢出4支經改裝後具殺傷力手槍、2,000發氣槍子彈，以及6發軍用子彈外，更意外搜出多張周迅艷照及裸照。


09年周迅突然宣布同拍拖6年嘅形象指導男友李大齊分手，即刻傳佢同王爍發展姊弟戀。老豆係地產大亨，王爍响北京係出晒名嘅二世祖，淨係識得吃喝玩樂溝女明星。有指王爍追周迅，豪花幾百萬買名錶送勞斯萊斯，又試過花388萬人民幣買咗個紫壇宮殿模型氹周迅，最終成功追到手，兩人極速同居，甚至有傳周迅同王爍「搞出人命」，要去醫院墮胎。

裸睡被影
傾家蕩產追明星，王爍老豆決定經濟封鎖，最後佢同周迅拍拖唔夠一年就分手。至於批裸照，有傳唔只周迅一個，仲有其他國內女明星以及不知名靚女。同陳冠希一樣有鋪影相癮，之後有人爆料話王爍鍾意玩SM，同佢一齊過嘅女人睇怕都走唔甩，而周迅亦被傳有裸睡習慣，有關裸照唔排除响佢唔知情情況下俾人偷拍。其實批裸照同非法藏有槍械無關，但據知公安已經全部檢走作深入調查。事後周迅經理人發聲明，澄清從來冇影過任何艷照或裸照，而雜誌出街前，曾經同有關高層接觸，要求刪除報導，對方原本答應，點知講完唔算數，公司會保留法律追究權利，因為事件令周迅受到傷害，搞到佢好唔開心喎！

闊少恩怨

去年12月17日，北京王府井發生一宗交通意外，當晚王爍揸車撞向另一名「京城四少」王珂嘅Audi房車，引致車頭霧煙着火，有指火燒車期間，王爍突然拔槍指嚇王珂，警方介入調查後，發現王爍家中非法收藏槍械。除咗王爍，仲有另外五人被檢察機關正式起訴。根據法例，王爍故意損壞他人財物，賠償可以了事，但非法藏有槍械及彈藥，要被判三至四年有期徒刑，有機會淪為「京城監躉」。
有指兩位闊少因為錢銀瓜葛積怨，王珂同朋友開設嘅「金錢豹美食匯」，店鋪位於王爍家族旗下物業，雖然兩個係朋友，但王珂每年都要向王爍繳交租金，不過最近有傳王珂財政出現問題，明星太太劉濤要復出拍戲幫補，而王珂亦因為借錢唔還，被銀行及朋友告上法庭，因而傳出財務危機。 ####



有閨中密友爆料，指周迅一直有裸睡習慣，佢好耐之前亦曾經同傳媒講過，在家會拉上窗簾，因為會唔著衫通屋走，呢類幫雜誌影嘅床照，只係小兒科。


周迅經理人發聲明澄清事件，仲好激動咁話：「這是絕對沒有的事，媒體一直抓住這件事報導假新聞，進行非常無聊的炒作，讓我們覺得受到傷害。」



王爍為追周迅，使多多錢都得，試過幫女友搞煙花晚會慶祝35歲生日差啲火燭，身為「環保大使」嘅周迅即被網民「河蟹」。


兩人拍拖6年，原本去到談婚論嫁，但有傳身兼女友形象顧問嘅李大齊，因連續多次失手搞到周迅俾人話著衫冇品味，兩人為此鬧翻分手。


王爍係出名嘅二世祖，淨係識得玩車玩女人，佢同成龍個仔房祖名私下好好朋友，大家一定好啱key。


周迅近期是非特別多，先排傳佢同趙薇拍《畫皮2》期間踢櫈鬧大交，之後要公開攬實扮friend合照平息事件。



王珂Audi着火


王珂與太太劉濤

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄