明星收藏

 

陳奐仁是音樂人，以為他的錄音室一定有很多跟音樂有關的收藏，殊不知他的結他只得五支，反而波鞋卻過百對，大部分更是特別版。香港人乜都炒一餐，波鞋亦是熱炒item，不過陳奐仁卻背道而行，每對波鞋都會著到盡，懶理是否炒賣系列，「啲鞋唔著會破碎、會爛，我會盡量著晒所有鞋，會著到爛、著到臭。」

 

無心插柳
陳奐仁的二千多呎錄音室中，只得五支結他，作為著名音樂人，數量未免少咗啲，不過他重質不重量，每支結他用了十年以上，而且音色依然「靚仔」，「有兩支特別有意思，係我啱啱開始寫歌時，大監製歐丁玉喺沙田幫我揀。」而另一房間，則放了過百對波鞋迷見到，雙眼會發光的珍藏，陳奐仁說一切都是機緣巧合，「因為咁啱有一排接觸好多波鞋商家，佢哋會送啲波鞋俾我，咁我儲吓儲吓就咁多。」雖然對對限量或特別版，但他並非用來炒賣，「波鞋呢樣嘢係香港先明白個文化，喺新加坡波鞋係要嚟踩板，唔係要嚟襯衫或者要嚟炒。」有商家不定期供應鞋款，他自己掏腰包買的不超過五對，都是為踩板而買，「之前著嘅波鞋要嚟踩板，所以都係踩板牌子，大部分都已經爛晒。」雖然他覺得波鞋以實用為主，不過人家送的特別版波鞋，在街外都未必買得到，他笑言曾幾何時都有輕飄飄感覺，就如當中的一對nike woven，便是nike與日本潮流教父藤原浩合作推出，「我有啲儲波鞋嘅朋友會問：『咦？呢對邊度嚟㗎？冇見過喎。』咁我就覺得有啲……wow！有啲special嘅感覺。不過我純粹鍾意佢個款好含蓄，我都多著咗！」


這雙是購自美國、朋友於網上為他訂製的波鞋，全白的nike air force I加上當時陳奐仁喜愛品牌的fabric，他尷尬說：「Gucci，當時我覺得呢個牌子好……好high，咁就整咗一對。」

真正用家
對自己心愛的東西當然會好好打理、收藏，但陳奐仁的波鞋卻沒有特別「待遇」，「雖然我唔會特別點打理，但我有留意一樣嘢，就係會盡量著晒，因為呢啲波鞋唔係皮鞋，唔可以last好耐，如果你keep住著、有郁動，佢哋就可以last得耐啲，雖然咁樣會污糟啲，但係我又唔係諗住賣出去。我好幸運，有好多人送俾我，所以會盡量珍惜佢哋。」另一方面，他又覺得擁有那麼多波鞋是一件內疚的事，並打算將來會一次過捐去慈善機構，「我諗到某一個時間，我會捐晒佢哋出去，因為鞋係要嚟著，一個人又點會著得晒？每個人都係得一把口，一日食三餐，你食得幾多？而家開始有內疚。有人送波鞋俾我，我多謝佢哋，有人對我哋有善意，講聲多謝就OK。」 ####


從前穿鞋穿八號半，現在因為是sample size，所以穿九號，「其實九號都好好，因為我隻腳板好肥，好似兩嚿番薯咁，九號闊度啱晒，而且人哋送鞋嚟時都方便埋佢哋。」


adidas推出的聖誕版波鞋，這對紅色是「season greetings」，另有一對綠色是「merry christmas」，一次冬天去日本以為大派用場，但鞋籠內的毛毛太熱，行不夠一百米便要脫下，之後便再沒有著過。



bearbrick medicom與nike crossover的限量版波鞋，陳奐仁覺得像毛毛熊很可愛。



陳奐仁笑言不敢著這對狗年推出的賀年版nike air force I出街，「好似好揚咁，著上身就有少少『我唔夠班』嘅感覺。」


「白飯魚」是唱片《買一送一》封面的一對鞋，由香港藝術家Cassian操刀，一對給陳奐仁，另一對畫給MC Jin。



剛推出了首張個人大碟，用歌曲記錄了這十年來音樂上的經歷。


這兩支結他陪伴了陳奐仁十四年，是著名音樂人歐丁玉於沙田揀給他，紅色是moon bass、啡色一支是VanZandt的telecaster model。

arrow
arrow
    文章標籤
    鞋子王　陳奐仁 壹週刊 1026期
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄