今年五月生完囡囡張楚兒後，蔡少芬為咗湊女推咗唔少工作，錢賺少啲冇所謂，最緊要係爭取更多一家三口相處時間。


上個禮拜五（九月三十日），《壹》仔撞到佢哋一家三口响中環ifc行街，同行仲有老公張晉嘅父母，三代同堂，最開心係嫲嫲，就算孫女重16磅，都堅持抱住行。唔使睇住個女，蔡少芬趁機會睇高踭鞋，老公張晉都有幫眼，可惜睇唔啱。做個好媽咪，蔡少芬仲係個好新抱，買唔到嘢，即刻主動抱番囡囡，唔使奶奶辛苦。


人多好辦事，相反，老公王華麟係台灣人嘅吳美珩，另一半成日要四圍飛，湊女重任靠自己。同一日，《壹》仔喺太子大廈見到吳美珩同囡囡Maegan喺書店睇書。已經四歲嘅Maegan相當活潑，郁身郁勢冇時停，見到《壹》仔鏡頭瞄住又眼望望，唔怕生唔怕醜，見微知著，吳美珩教女有方。 ####



有老爺奶奶幫手，蔡少芬趁機睇鞋，仲叫埋老公幫幫眼！


嫲嫲有孫萬事足，怕奶奶辛苦，蔡少芬自己抱番16磅巨B，平日cool爆嘅張晉對住囡囡亦露出難得一見嘅鬼臉。



唔想小朋友上鏡，吳美珩企圖用個身遮住囡囡，但Maegan繼續八卦，係都要望實《壹》仔。



媽咪陪睇書，冇時停嘅Maegan即時坐定定。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄