台慶日子年年轉陳啟泰寸爆瓦努亞視－明星靚相大分享☆

亞洲電視為慶祝55周年台慶早前播出膠歌《Gimme Five》，歌詞中的「亞洲、亞洲」笑到你暈，近日再將陳啟泰瓦努阿圖移民的二次創作廣告再二次創作成台慶宣傳片，有更多爆笑位。亞視又搞了台慶大獎選舉，請觀眾選出55年來的經典代表，搞得無聲無息，但卻甚受網民歡迎，在網上已惡搞出部份賽果。

亞視5月29日將慶祝55周年，賀台慶膠歌《Gimme Five》歌詞「亞洲、亞洲」令人一看難忘，最近輪到將陳啟泰《百萬富翁》形式的瓦努阿圖移民廣告二次再二次創作，陳啟泰甫出場說：「你哋睇緊嘅係『瓦努亞洲』。」現場觀眾明顯是由電腦效果加上去，驟眼睇似一群鬼魂，陳啟泰發問一百萬元問題：「香港邊間電視台最鍾意改台慶日子，不過憑良心都係改番喺5.29呢？」撰稿員公然寸自己公司，認真搞笑，但不明跟良心有何關係。

黃金時段收視僅一點
《Gimme Five》歌詞曾唱亞視「明明香港第一間電視，點解唔係One屈我做2」，亞洲終於做到第一，不過是講收視，上周一至周五黃金時段，除夜間新聞外，全線平均只得一點，慘不忍睹。

網民惡搞頒獎禮賽果
陳啟泰昨日談到宣傳片寸台慶日子經常更改時說：「係事實，我諗出嚟嘅，轉咁多次老闆轉日子好正常，我喺亞視十年呢個印象最深刻，至於講良心係公司稿，冇得改。」至於上周多個節目收視只得一點，陳啟泰說：「否極泰來係最好，如果有兩、三點，公司可能覺得唔使有自製節目都得，反而得番一點，等佢哋有啲激勵，唔係到零就好大鑊。」亞視將舉行頒獎禮，現正公開由觀眾提名，獎項包括新聞主播獎、人氣節目獎、終生成就男、女藝人等，外間反應冷淡，但網民就大感興趣，還率先選出部份獎項得主，新聞主播獎由誤報前國家主席江澤民死訊的陳佩琳奪得，人氣節目則為賽馬直擊，終生成就男女藝人分別是陳啟泰及鮑起靜，最搞笑是有網民揶揄可能很多獎項要頒給已故的亞視藝人。採訪：汪芷寧

宣傳片用電腦效果製造很多現場觀眾影像，但驟眼睇似有很多鬼魂。