超雲明捧暗踩叫超儀收聲

對於有關何超儀不認三房四房人的報道，何超雲大展其EQ高、大方的一面，但卻不忘暗寸對方，祝超儀新戲票房大收之餘，亦希望對方收聲。

何超雲性感亮相，回應超儀言論時盡顯大家閨秀風範。

一向敢言的二房千金何超儀，為谷新戲不惜將家事擺上枱，曾揚言不認三房四房的人，還直斥其子女於爹哋何鴻燊入院期間前往探望是博見報。三房千金何超雲昨晚出席伯爵Possession Celebration展覽會，穿上低胸裙十分性感。被問到超儀指她與超盈到醫院係博見報，超雲句句有骨說：「可能佢唔係咁清楚啲時間，佢去得少，佢好忙，唔會因為佢咁講唔開心。（佢話唔識你？）可能佢語氣有少少問題，其實我哋都真係唔係太熟。」

媽咪話算

至於稱呼媽咪做「阿三」的言論，超雲盡顯家教，指若見到超儀媽咪，會以Auntie相稱，問她可覺得超儀唔尊重大家是一家人？她說：「就係一家人，所以唔緊要，算。（你當唔當佢係家姐？）當。（但佢唔當你係妹？）我當佢係家姐咪得。」繼又指媽咪亦有看過有關報道：「媽咪睇到之後就話算。（媽咪被人蝦？）唔覺得，講嘢上唔算蝦。」

何超儀

唔會尷尬

超儀新戲已上，曾暗寸超雲與超盈好紅，可叫他們幫手宣傳，超雲說：「叫佢畀飛我囉，我有睇過佢以前嘅戲，但我有少少怕血腥。（覺得超儀好反叛？）唔會，覺得佢係喺娛樂圈嘅一個角色，會體諒佢有戲上為宣傳。（會否因佢所講嘅報道唔開心？）有少少感覺奇怪佢咁樣講，但報道出街都冇見過佢，唔會尷尬。」至於會否怕事件陸續有來，她說：「我諗佢有分數。（希望家和萬事興？）係啦，希望佢套戲多啲人睇票房勁。」那是否若票房好，之後就想超儀收聲？她即笑着說：「好正。（指記者的問題）」

而伯爵Possession Celebration展覽會展出多位名人參與拍攝的慈善照片，當中包括馬鴻銘及蔡加敏、霍汶希及容祖兒、黃德如及囡囡、張天愛與王仁曼等。

超雲與超蓮、猷啟，馬鴻銘及蔡加敏，為伯爵拍慈善照。

傅明憲單拖出席伯爵活動。

何超雲反擊叫超儀收聲

賭王三房女兒何超雲，對於二房家姐何超儀早前寸爆三、四房女兒探父似做騷，她昨日亦寸爆指體諒超儀為新戲宣傳，更暗示叫她收聲！



傅明憲悉心打扮到場，明艷照人。

超雲昨日出席伯爵錶Possession Celebration活動，談到超儀早前寸三、四房子女為給傳媒影相，就算往醫院探父親何鴻燊摸門釘，也沒有所謂，她語帶不屑說：「可能佢唔係咁清楚啲探病時間，佢好忙去得少。（超儀話唔識你？）可能佢語氣有少少問題，我哋真係唔係太熟！」超儀強調媽咪藍瓊纓才是賭王的合法妻子，更稱呼超雲媽咪「阿三」，超雲說：「我冇聽過佢叫媽咪做阿三，大家好少見面。（一家人不受尊重？）就係一家人，所以唔緊要，算！」

鄭詩韻夫婦出席伯爵錶活動。

「有少少奇怪佢咁講」

超雲透露兩人平日見面也會傾偈，問到是否當超儀是家姐，超雲說：「當。（但佢唔當你係妹？）我當佢家姐咪得囉！（媽咪睇過報道？）有，睇到之後就話算。（媽咪畀人蝦？）唔覺，言語上唔算蝦。」

被超儀嘲扮探賭王病博見報超雲：佢探得少唔清楚

賭王何鴻燊的二房女兒何超儀近日為宣傳新片，寸爆近年冒起的三、四房，指兩房女兒明知摸門釘也到醫院扮探病博見報，又謂不認識三房的超雲和超蓮。何超雲昨晚性感現身，對於超儀的惹火言論，她冷靜地反駁超儀少探病，不知底蘊，但體諒家姐為電影宣傳，更大方祝她票房勁收。

其他娛樂名人影片

賭王何鴻燊的二房女兒何超儀（ Josie），自資拍攝兼主演的電影《維多利亞壹號》昨日上畫，近日她為宣傳不惜辣㷫三、四房，先寸三房和四房的女兒車輪轉帶男友去醫院探賭王，非探病時間冇門口入也照去，志在博上鏡，暗寸她們扮孝順，又講明不識三房的女兒，並直稱三姨太陳婉珍和四姨太梁安琪做阿三、阿四。

放大圖片

傅明憲昨晚單拖出席酒會。

放大圖片

黃偉文一身紅衫示人，成功搶鏡。

自言從未摸門釘 放大圖片

何超儀

返英國一段時間的三房長女何超雲，昨晚在中環出席名牌 Piaget酒會，穿上性感低胸 Alexander Wang裙示人。提到 Josie的言論，超雲冷靜回應，不慍不火， EQ極高，對於被指摸門釘博宣傳，她說：「佢可能唔係太清楚，佢探得少，佢好忙，我就從來冇試過（摸門釘）。」又指不知 Josie稱呼其母做阿三，也未聽過，因為很少見面，而她則會稱呼二姨太藍瓊纓做 Auntie。大家都是何家人，問超雲可會覺得三房不受尊重？她說：「就係一家人，就唔緊要囉。」對於 Josie表示不認識她，超雲反駁說：「可能語氣問題啫，我哋見過，會傾偈，佢叫我 Florinda，我叫佢超儀。」她更謂視 Josie為家姐，但 Josie似乎不當她是妹妹？超雲說：「我當就得啦。」問到三姨太陳婉珍有否因 Josie的言論發火時，超雲說：「媽咪話算啦，同埋，佢都係講嘢上面。」可會覺得 Josie為宣傳？她說：「唔知係咪為宣傳，每個人說話都有唔同方式。」並表示若 Josie是為宣傳，她會體諒，而父親賭王也沒出聲，相信她們能處理。超雲又謂不會因此事不開心或尷尬，更不認為自己曝光過度招來 Josie妒忌。問她怕不怕這種言論陸續有來？超雲說：「佢應該有分數。」她又自言怕血腥，但也開口問 Josie攞飛睇《維多利亞壹號》，更說：「祝佢多啲人睇，票房好勁。」採訪：梁錦雯攝影：黃文成


何超雲昨晚性感現身，逐一反駁何超儀近日對三、四房的不友善言論。