自女兒出世後，郭可盈做全職媽咪，上週，她湊住寶貝女與林文龍外出午膳。"
探熱針
老公冇嘢撈 郭可盈復出快賺 7萬
2010年05月13日
今年一月，郭可盈為林文龍誕下女兒林天若，有女萬事足，郭可盈隨即宣布全面停工，專心湊女。搵奶粉錢的重任落在老公林文龍身上，為了養家，林文龍一心計劃北上銀，即使從去年爆出偷食事件，形象插水，他依然獅子開大口，自抬身價，所以工作量幾乎零。
一家三口有出冇入，郭可盈見勢色唔對，唯有急急復出，接 job搵奶粉錢。
兩萬嫌少
去年五月，林文龍被爆出偷食內地女星董維佳醜聞，郭可盈再一次挺身力撐老公，平息風波，二人更於今年初誕下愛情結晶林天若。榮升媽咪，郭可盈為了專心湊女，宣布暫停工作。老婆停工，林文龍唯有擔起養家重任，計劃了連串北上銀大計，可惜偷食事件令他形象破產，加上他開價高，更加無人吼！
「其實佢喺內地一向都麻麻，都冇乜人搵佢拍劇，加上佢要成四至五萬一集先肯拍，之前有人出兩萬蚊一集搵佢，佢都嫌錢少推咗。」知情者透露。
林文龍有價無市，長期冇工開，女兒出世後，開支龐大，郭可盈眼見一家三口坐食山崩，老公靠唔過，唯有復出接 job。
「佢一向都搵得多錢過林文龍，一家幾口長期冇收入唔係辦法，咪唯有出番嚟做，前幾日佢咪接咗個商場騷，都有七萬蚊袋。」
由菲傭抱住的天若不時左望右望，表情多多，相當趣致。
林文龍在日本城內左揀右揀，相當熟架部。
林文龍掃了五個膠箱，更與親友夾手夾腳將膠箱搬上車。
週日（ 9日），郭可盈產後首度復工，其間被問到坐食山崩一事，她亦維護老公，指他正在揀劇本及角色，並表示經濟並未出現問題。
慳得就慳
女兒出世後，郭可盈、林文龍兩公婆廿四小時全職湊女。日前，二人帶同 BB女、菲傭與一名親友一行五人到西貢食西餐；賦閒在家的林文龍充當司機，接載一家大細出入。
在餐廳逗留約一小時，林文龍先行離開餐廳，由於泊車的地方較遠，等到林文龍將坐駕駛到餐廳門前，郭可盈才與親友上車。四個月大的天若由菲傭抱住，眼仔碌碌，相當精靈。
其後，一行人駕車到西貢市中心，泊車後，林文龍與親友步入賣平價貨的日本城掃貨，二人在店內左揀右揀，最終用了六百七十元買了五個膠衣箱。坐食山崩，果然慳得就慳。
最後，林文龍繼續做阿四，落手落腳將膠箱搬上車，之後便駕車返回清水灣寓所。
去年 10月，懷孕 5個月的郭可盈現身電視 劇《富貴門》宣傳，更風騷表示為免老公擔心，會全面停工安胎。（《 FACE》圖片）
榮升父母後，郭可盈與林文龍有女萬事足，林文龍更表示為了愛女，寧願足不出戶，更謝絕應酬。
去年，為減輕負擔，郭可盈已賣去月供十多萬的壹號銀海單位，改為租住月租 6萬元的清水灣松濤苑。（《蘋果日報》圖片）
自言會努力賺錢養家的林文龍，近年只接拍一個兩萬蚊的藥房平面廣告，收入有限。（《蘋果日報》圖片）
林文龍形象破産有價無市 郭可盈複出賺錢
郭可盈
今年1月，郭可盈爲林文龍誕下女兒林天若，有女萬事足，郭可盈隨即宣布全面停工，專心帶女兒。賺奶粉錢的重任落在老公林文龍身上，爲了養家，林文龍一心計劃去內地賺錢，即使去年爆出绯聞事件，形象低迷，他依然獅子大開口自擡身價，所以工作量幾乎爲零。
一家三口只出不進，郭可盈見勢頭不對，惟有急忙複出，接工作賺奶粉錢。
留言列表
