明知記者群集養和馮仁昭四圍超：梁政珏拖仔睇醫生博上鏡
其他娛樂名人影片

憑 34C上圍被封為新咪神嘅奀星梁政珏， 07年加入 TVB以嚟，除咗條事業線同埋緋聞外，其他嘢真係乏善可陳，但佢對於曝光依然進取，千方百計博出位。連日嚟大批記者聚集喺跑馬地養和醫院採訪張栢芝生仔消息，噚日梁政珏就由潮牌 Ground-Zero老闆兼設計師男友朱鑫駿（ Eri Chu）陪住一齊現身養和，成功吸引現場近半百嘅記者注意，又俾佢博到上鏡。

放大圖片
Eri Chu撇低女友梁政珏，木無表情離開醫院。

Eri Chu撇低女友梁政珏，木無表情離開醫院。

放大圖片
梁政珏喺醫院大堂等睇醫生時鬼咁精神，仲不時回眸望鏡。

梁政珏喺醫院大堂等睇醫生時鬼咁精神，仲不時回眸望鏡。

笑晒望鏡

噚日下晝 1點，踢拖襯短褲、戴黑超嘅梁政珏同 Eri着 V領黑白情侶 tee前後腳到醫院， 15分鐘後木無表情嘅 Eri自己搭的士離開，撇低女友獨自求醫，不過梁政珏就明顯緊張上鏡多過睇醫生，坐喺大堂時仲鬼打咁精神兼送上笑容回眸望鏡。梁政珏睇完醫生後，就同記者自爆因胃炎唔舒服，問佢點解男友會走先？佢就一味笑。女友胃炎， Eri竟然就咁走咗去，梁政珏就話：「我唔 expect呢度有咁多人吖嘛。」不過醉翁之意不在酒，佢嘅司馬昭之心，都怕且路人皆見。上月 Eri被拍得同薛凱琪（ Fiona）夜蒲老蘭，有傳梁政珏葡萄 Fiona，即黐譚詠麟力捧新仔王宗堯示威，日前梁政珏仲自稱單身，點知轉頭就拖 Eri陪睇醫生，善變度驚人。 Fiona就冇佢咁好氣，對於梁政珏又同 Eri行埋，就表示冇回應。另外，甄子丹姨仔汪圓圓噚日亦蹺住爸爸去養和，但一見記者即縮手，仲雞咁腳走入大堂。

梁政珏噚日自稱胃炎，專登去記者雲集嘅養和醫院睇醫生。

梁政珏遭男友狠撇

昨日大批記者在養和醫院等候張栢芝生仔，下午約1時，無綫藝人梁政珏戴黑超偕男友Eri Chu現身，之前Eri因與薛凱琪夜蒲傳緋聞，昨日他見到記者如見鬼般速逃，撇下梁政珏獨對傳媒，她表示患了胃炎到醫院檢查。問男友點解唔等她？梁政珏說：「冇預計到有咁多記者。」

梁政珏

而5時許，汪圓圓和一位中年男士翹手入養和，兩人逗留約1小時後離去，圓圓離開時急步而去，事後記者致電圓圓，她表示跟爸爸到醫院探朋友。

梁政珏被驚青男友賣甩

無綫藝人梁政珏昨午戴上黑超現身養和醫院，曾與薛凱琪夜蒲傳緋聞的男友Eri Chu本來陪伴在側，但看見記者即嚇到速閃，丟下女友獨自面對傳媒。約45分鐘後，梁政珏獨自離開醫院，並說：「我胃炎唔舒服。（男友唔等你？）我唔Expect有咁多記者。」下午5時許，甄子丹姨仔汪圓圓翹着一位中年男士抵達養和，逗留約1小時便匆匆離開，記者致電問候，她解釋與爸爸到醫院是探朋友。