上週三，失戀梁詠琪與友人到大坑開餐，離開時悶悶不樂，無厘神氣。"
左右為難
阿媽棒打法國佬 梁詠琪四年情玩完
2010年05月13日
早前梁詠琪自爆同法國佬 Sly拍拖四年，但男友一直未被家人接受，矛頭直指思想傳統的母親大人。為了拉近雙方距離，今年初 GiGi豪擲千五萬、買下現居聯邦花園的毗鄰單位，為男友製造更多見家長機會。可惜 GiGi好心做壞事， Sly對於被梁阿媽「近距離監控」大感不滿，媽咪又開到聲唔想見到外人出入，成為夾心人的 GiGi左右為難， Sly更乘機向她提出分手。
四年情玩完，上週三（五日） GiGi搵來好友舉行療傷飯局，成晚無厘表情。
好心做壞事
眼見乖女搭上法國人，梁阿媽以為兩個只係「玩玩吓」，即使幾唔鍾意都隻眼開隻眼閉，點知 GiGi愈愛愈認真，梁阿媽後悔採取開放政策已經太遲。「 Auntie（梁母）成日覺得 Sly無份正職，吊兒郎當，搵錢能力同 GiGi差天共地， auntie唔係要個女婿係大富人家，只係擔心個女要倒貼啫。」 GiGi好友透露。
為了搞好關係， GiGi於是氹阿媽搬離匡湖居，搬去她年初以千五萬買下的另一個聯邦花園單位，由於新屋响正 GiGi寓所隔籬，一來唔使老人家經常西貢、中環兩邊走，二來方便阿媽同男友見多幾面。
以為萬無一失的好橋，梁阿媽卻開到聲唔想响屋企範圍內見到「外人」，至於 Sly，因為梁阿媽經常到訪乖女香閨，莫講話同居，想見多一面二人世界都無可能，家陣人肉電燈膽愈住愈近， Sly更加不滿。「好老實，近年 GiGi工作重心响晒大陸，舊年接咗兩部戲，《肩上蝶》同埋《越光寶盒》都係响大陸拍，返香港拍拖時間已經少， auntie仲要搬過嚟實， Sly唔高興都好正常。」 GiGi身邊人說。
飯局結束， GiGi先送友人歸家，再返回干德道住處，未有再次外出。
06年 GiGi與 Sly同遊日本睇麥當娜演唱會，戀情因而曝光。（《 FACE》圖片）
梁詠琪自小父母離異，姊弟兩人全靠母親一手養大，所以 GiGi同母親關係要好，言聽計從。（《忽然 1周》圖片）
出走新加坡
○六年 GiGi同鄭伊健分手後，旋即搭上從事設計工作的 Sly，兩人「孖咇」到日本睇麥當娜演唱會，在的士上濕吻令戀情曝光。拍拖原本係開心事，但係阿媽唔鍾意， GiGi唯有同男友轉玩地下情，並向傳媒放風已經分手。直到○九年， GiGi到台灣宣傳，被傳媒拍下夜遊書局，才勉為其難承認「翻撻」掩飾大話。
成為男友同阿媽之間的夾心人， GiGi跟 Sly過去一年因為聚少離多而濃情轉淡，未待梁阿媽搬嚟做鄰居， Sly以到新加坡發展為由，向 GiGi提出分手。
雖然有晒心理準備，但失戀 GiGi始終唔開心，上週三便相約好友食飯傾心事，而無工開的日子， GiGi更索性留在香閨玩貓、上網，治療情傷。
4/5
上週二 GiGi到佐敦道為新碟錄音後直接返家，繼續自閉療情傷。
06年 GiGi與 Sly打得火熱，在日本坐的士啜爆激嘴。
去年五月， GiGi被傳媒影到同 Sly結伴遊誠品書店，收埋兩年的地下情焗住浮面。
今年初 GiGi以公司名義，擲千五萬購入現居干德道聯邦大廈的毗鄰單位，作為梁阿媽的新居。
今年二月 GiGi出席時裝活動，自爆同 Sly拍拖多年，母親一直未能接受對方。
梁詠琪與法國男友四年情玩完 母親棒打鴛鴦
梁詠琪悶悶不樂
早前梁詠琪自爆同法國人Sly相戀4年，但男友一直未被家人接受，矛頭直指思想傳統的母親大人。爲了拉近雙方距離，今年初梁詠琪豪擲1500萬、買下現居聯邦花園的毗鄰單位，爲男友制造更多見家長機會。
可惜梁詠琪好心做壞事，Sly對于被梁詠琪母親“近距離監控”大感不滿，媽咪又說出口不想見到外人出入，成爲夾心人的梁詠琪左右爲難，Sly更趁機向她提出分手。
四年情玩完，5月5日梁詠琪找來好友舉行療傷飯局，整晚沒什麽表情，而分手消息傳出後，梁詠琪也在網上承認分手一事。
留言列表
