明星靚相大分享☆

五 年 以 來 ， 這 是 第 三 次 訪 問 薛 凱 琪 。
雙 眼 依 然 精 靈 ， 笑 容 依 舊 清 脆 ， 大 大 啖 邊 咬 格 仔 餅 邊 對 舅 父 駁 嘴 駁 舌 ， 當 年 的 「 Funny Girl 」 一 張 童 顏 還 很 funny ， 事 實 是 ， 28 歲 都 緊 ， 已 經 被 殘 酷 的 歸 納 為 中 女 一 族 ， 真 夠 尷 尬 。
「 我 未 過 生 日 ！ 」 薛 凱 琪 很 不 情 願 被 提 醒 年 齡 的 現 實 ， 更 不 情 願 再 次 否 認 一 個 一 個 緋 聞 對 象 ， 房 祖 名 、 方 大 同 、 初 戀 圈 外 男 友 Pete 和 新 鮮 熱 辣 的 台 灣 富 公 子 ， 她 說 冇 個 係 真 ， 又 一 年 的 情 人 節 要 孤 單 的 過 ： 「 情 人 節 呢 個 節 日 根 本 就 係 多 餘 ！ 有 拖 拍 人 日 日 都 開 心 啦 ！ 冇 拖 拍 已 經 夠 慘 ， 仲 要 特 登 整 日 出 提 醒 你 ： 『 You are alone ！ 』 直 情 係 詛 咒 ！ 」
看 薛 凱 琪 憎 恨 情 人 節 的 程 度 ， 不 得 不 相 信 她 的 話 ： 「 入 行 之 後 再 冇 拍 過 拖 … … 又 情 人 節 啦 ， 我 都 手 痕 ， 想 似 以 前 咁 ， 做 手 作 仔 送 男 朋 友 … … 」
緋 聞 傳 得 再 繽 紛 ， 薛 凱 琪 告 訴 我 ， 她 寧 願 自 己 是 個 play girl ， 有 一 單 半 單 係 真 。
27 歲 半 的 中 女 薛 凱 琪 ， 其 實 很 寂 寞 。

卡 住

今 年 的 8 月 11 日 ， 薛 凱 琪 滿 28 歲 。 我 沒 想 到 ， 一 提 到 年 齡 ， 她 的 反 應 這 麼 大 ： 「 唔 好 寫 呢 樣 啦 ， 做 咩 要 提 我 呀 ！ 」 甚 至 開 玩 笑 喝 唱 片 公 司 同 事 ： 「 出 道 陣 都 叫 你 報 細 數 啦 … … 25 歲 以 上 就 係 中 女 ？ 唔 係 咁 快 呀 ？ 唔 係 三 十 歲 咩 ？ 邊 行 規 矩 呀 ？ 唔 係 咁 快 呀 ？ 唔 緊 要 … … 我 心 境 18 … … 」
癲 癲 喪 喪 叫 嚷 一 輪 ， 終 於 回 復 正 常 ： 「 其 實 我 幾 鍾 意 自 己 家 呢 個 年 紀 ， 國 語 叫 『 卡 住 』 ， 即 係 個 中 間 位 ， 唔 係 傻 更 更 細 路 女 ， 但 又 未 至 於 老 喎 。
「 我 都 知 ， 我 唔 再 係 小 朋 友 ， 但 都 係 好 難 picture 到 自 己 已 經 係 個 女 人 。 」 新 碟 《 Smile 》 有 首 歌 叫 〈 給 十 年 後 的 我 〉 。 10 年 ， 真 的 是 轉 眼 間 的 事 。

“ 25 歲 以 上 就 係 中 女 ？ 唔 係 咁 快 呀 ？ 唔 係 三 十 歲 咩 ？ 邊 行 規 矩 呀 ？ 唔 係 咁 快 呀 ？ 唔 緊 要 … … 我 心 境 18 … … ”

10 年 前 ， 薛 凱 琪 在 街 頭 被 星 探 發 掘 做 模 特 兒 ， 和 今 天 的 Angelababy 和 Janice Man 一 樣 ， 十 八 廿 二 卜 卜 脆 ， 現 今 的 說 法 叫 模 、 叫 女 神 ： 「 18 歲 年 ， 成 個 世 界 有 咩 重 要 得 過 男 朋 友 ？ 仲 有 ， 好 驚 做 大 人 ！ 年 其 實 我 報 加 拿 大 大 學 ， 但 屋 企 有 事 去 唔 到 ， 再 改 讀 本 地 大 學 又 太 遲 ， 被 迫 gap 一 年 （ 後 讀 城 大 創 意 媒 體 系 ） 。 男 朋 友 唔 想 我 咁 得 閒 ， 叫 我 搵 份 工 做 住 先 ， 嘩 ， 我 喊 到 呢 … … 我 得 中 學 畢 業 邊 有 人 請 喎 … … 對 於 唔 再 係 細 路 女 、 要 出 社 會 呢 件 事 覺 得 好 恐 怖 。 一 年 ， 除 愛 情 ， 仲 發 覺 讀 書 原 來 好 重 要 。 」
4 年 model ， 6 年 歌 星 生 涯 ， 看 薛 凱 琪 長 大 、 一 手 帶 她 入 行 的 舅 父 Peter Wong （ 前 華 星 高 層 ， 現 任 華 納 高 層 ） 告 訴 我 ， 快 28 歲 的 Fiona 和 小 時 候 沒 兩 樣 ， 太 直 ， 不 會 保 護 自 己 兼 且 EQ 低 。 薛 凱 琪 即 時 反 駁 ： 「 我 叫 有 長 進 。 我 EQ 係 本 來 好 低 ， 但 係 入 行 咁 多 年 ， 真 係 練 高 。 高 … … 唔 代 表 係 高 … … 可 能 冇 兄 弟 姐 妹 ， 我 social skill 真 係 好 差 ， 家 至 叫 好 。 尤 其 台 灣 獨 立 生 活 11 個 月 後 ， 加 上 做 過 舞 台 劇 ， 個 人 真 正 open up 。 」

房 祖 名 的 緋 聞 傳 足 三 年 ， 薛 凱 琪 也 承 認 和 成 龍 、 林 鳳 嬌 都 見 過 面 ， 不 過 都 係 句 ， 好 朋 友 而 已 。 《 忽 然 1 周 》 圖 片

除 了 固 定 對 象 房 祖 名 和 同 公 司 的 方 大 同 ， 「 男 朋 友 」 還 有 初 戀 男 友 Pete （ 圖 左 ） 和 新 鮮 熱 辣 的 台 灣 富 家 子 Aaron ， 薛 凱 琪 堅 稱 ： 「 假 的 ！ 」 《 蘋 果 日 報 》 圖 片

04 年 一 首 〈 奇 洛 李 維 斯 回 信 〉 唱 到 成 為 年 度 最 多 獎 項 新 人 ， 兼 歷 年 奪 得 「 叱 十 大 歌 曲 」 的 唯 一 新 人 ， 最 威 水 是 ， 真 的 被 無 安 排 訪 問 奇 洛 李 維 斯 。

今 年 的 頒 獎 禮 ， 薛 凱 琪 不 如 以 往 有 得 上 台 喊 住 獎 感 謝 神 ， 不 過 由 自 己 宣 布 「 男 歌 手 金 獎 」 是 方 大 同 ， 更 激 動 。 《 忽 然 1 周 》 圖 片

成 就

07 年 ， 26 歲 ， 本 來 人 氣 高 企 ， 有 首 人 人 識 唱 〈 下 次 下 次 〉 ， 突 然 被 唱 片 公 司 掟 去 台 灣 11 個 月 ， 國 語 碟 《 It's My Day 》 雖 然 在 當 地 有 口 碑 亦 賣 3 萬 隻 ， 好 過 好 多 人 ， 代 價 是 ， 回 到 香 港 ， 模 輩 出 ， 樂 壇 亦 成 了 〈 囍 帖 街 〉 時 代 ， 除 了 在 「 叱 」 上 宣 布 「 男 歌 手 金 獎 」 方 大 同 的 名 字 ， 今 年 的 頒 獎 禮 ， 幾 乎 見 不 到 薛 凱 琪 。
「 人 生 成 就 感 ， 唔 係 單 單 憑 事 業 定 奪 。 紅 唔 紅 ， 事 業 發 展 如 何 ， 唔 太 會 影 響 我 心 態 ， 反 而 我 更 proud of 自 己 做 人 個 女 呢 part 喎 ， 我 亦 最 希 望 呢 part 做 得 最 成 功 ！ 真 係 未 諗 過 ， 27 歲 ， 自 己 已 經 可 以 養 起 成 頭 家 喎 ！ 除 賺 錢 ， 我 最 開 心 係 ， 唔 同 幾 年 前 ， 媽 咪 覺 得 我 大 個 女 ， 再 唔 係 好 多 要 為 我 擔 心 ， 我 都 識 照 顧 自 己 。
「 娛 樂 圈 錢 ， 其 實 好 難 搵 ， 要 承 受 太 多 。 呢 行 ， 最 緊 要 努 力 ， 但 最 驚 ， 係 連 努 力 機 會 都 冇 。 驚 ， 真 係 驚 冇 人 搵 我 做 ， 驚 停 落 。 好 幸 運 ， 到 家 我 都 未 試 過 停 。
「 長 江 後 浪 推 前 浪 ？ 未 有 咁 威 脅 。 反 而 覺 得 ， 呢 一 代 女 歌 手 ， 我 、 王 菀 之 、 謝 安 琪 ， 甚 至 新 人 G.E.M. ， 每 個 人 歌 喉 都 獨 一 無 二 。 」

做 兼 職 model 期 間 電 視 廣 告 經 驗 十 分 豐 富 ， 02 年 與 Fiona 合 作 拍 中 銀 信 用 咭 的 ， 是 現 在 在 有 線 電 視 的 董 敏 莉 （ 右 ） 。

搵 到 錢 ， 薛 凱 琪 很 自 豪 的 說 ， 近 年 經 營 設 計 公 司 的 父 親 與 曾 開 補 習 社 的 母 親 都 已 經 半 退 休 。 一 手 帶 Fiona 入 行 的 是 舅 父 Peter Wong 。