Splinter Cell： Conviction Sam 哥眾叛親離　殘像殺人血連環 @ 明星靚相大分享☆

綠營獨佔大作《 Splinter Cell： Conviction》即將推出！吊咗好耐鬼鼠癮嘅 Game迷，又可以喺黑暗中玩潛入；今次除咗繼續要利用光與影，喺敵人背後用暗箭將佢擊暈外，仲可以利用殘像同連環殺人嘅新動作搞掂對手， Be a Smart Boy！轉數快、動作快，一睇就知點解！記者：阿洛

女死！兇手還在放大圖片
■話明報仇，不乏血腥場面。

■話明報仇，不乏血腥場面。

Ubisoft嘅《 Splinter Cell》系列今次嚟到第 5集，繼續由 XB360獨佔！故事亦繼續改篇自軍事小說大師 Tom Clancy筆下小說。今集講主角 Sam Fisher調查女兒 Sarah被殺秘密，表面上阿女係交通意外而去世，但意外司機竟逍遙法外， Sam哥開始發現有啲唔妥，繼後又被老死出賣、被國家背棄，要以背叛者嘅身份搵出真相。而遊戲場景，除咗歐洲南部嘅馬爾他島外，主要都係喺美國首都華盛頓發生，有咩好得過一邊打機一邊睇名勝呢？

放大圖片
■完成不同模式，會有分去買裝備升級。

■完成不同模式，會有分去買裝備升級。

放大圖片
■新動作 Last Known Position，輕功勁過聶風。

■新動作 Last Known Position，輕功勁過聶風。

黑白見光死放大圖片
■連環殺敵，不過不同武器都有殺敵限制。

■連環殺敵，不過不同武器都有殺敵限制。

《 Splinter Cell》系列一向都係玩潛入，今次繼續有上百種潛入方法，當然亦要利用黑暗環境玩「伏匿匿」，而場景嘅光源變化就係潛入嘅關鍵。今集更加入黑白功能，就係當畫面變成黑白，就代表敵人見唔到你，相反畫面彩色的話，就即係你已經暴露喺無遮無掩嘅地方！講到利用環境，仲可以用場境嘅特點去拷問敵人，例如可以撞敵人個頭埋去爆鏡，又或者翻佢枱、樁佢埋牆等等，都幾火爆勞氣。

放大圖片
■線上合作模式，同一場景兩邊夾擊。

■線上合作模式，同一場景兩邊夾擊。

放大圖片
■今集繼續用 Unreal 3引擎，光源效果勁逼真。

■今集繼續用 Unreal 3引擎，光源效果勁逼真。

新增連線合作

出咗咁多集，都要有新動作令你打得高興啲，第一個叫 Last Known Position，假如潛入時被敵人到，就會留低殘影，而班蠢貨就會向你個殘影開槍，而阿 Sam哥就梗係趁空檔閃去敵人後面搞掂佢。另一個叫 Mark& Execute，當玩家面對兩個或以上敵人時，身處黑暗底下嘅玩家就可以選擇殺人次序，再發動特殊技去嚟個血連環。最後亦係最實際，除對戰外，今集新增連線合作模式，玩家可以同老友合作過關，仲有特定故事講去俄羅斯同其他特工找回被偷走嘅彈頭，多個人、多雙筷咁解！

Tom Clancy's Splinter Cell： Conviction 放大圖片