旅行旅遊新加坡拆蟹　 No.3 就是第一？ @ 明星靚相大分享☆

「咪話我嚟新加坡食足三日都係你，畀條生路你行，猜包剪揼，將生殺大權交畀上天，你贏嘅話就放你一馬唔食你，輸咗嘅話就要認命啦！ 1． 2． 3~我揼！嗱！無得怨啦」，可憐的大肉蟹只能肉隨砧板上……記者、攝影:曾冠輝　模特兒： Iris@Pure Model鳴謝： Singapore Airlines、新加坡旅遊局、 Mandarin Oriental Singapore

其他副刊影片仙人指路第三蟹

在新加坡搵嘢食是個問題，唔係無嘢好食，而係太多好嘢食，地踎的高檔的本地的西洋的甚至 fusion的統統都有，點揀？嗜海鮮如我者，今次鎖定目標：蟹！連早年新加坡美食節也以之為吉祥物，就知蟹的地位，但食蟹餐館成行成市，點揀？我請了當地人指點迷津，獲贈一個冧巴：「 No. 3」有第一唔做做第三？有性格，無理由唔試。餐廳原來已開了 9年，以前只做海鮮批發，後來自己開店煮埋，現在是新加坡最大的海鮮供應商，潛台詞是：好嘢梗係留番畀自己！點了招牌砂煲咖喱蟹，未食已經香氣撲鼻，但與平時濃烈的咖喱香不同，此香帶清鮮，秘密原來在咖喱葉，正是香港咖喱缺了的材料，食落味道不如印度咖喱濃烈，介乎於馬來與華人咖喱之間，溫和，帶甜而香味重。蟹肉嗎？實在無話可說，蟹大肉多無縮水，肉質挺身爽實，鮮甜沒有被咖喱味徹底殺掉：「我們採用每天運到的印尼蟹，隻隻足一斤，肉質梗係好」，難怪店內牆上貼滿當地各大雜誌報章的報道，原來早有名氣！

放大圖片
■馳名砂煲咖喱螃蟹，$21.8/100g，相中蟹約$224。

■馳名砂煲咖喱螃蟹，$21.8/100g，相中蟹約$224。

放大圖片

放大圖片
■題之為： No.3 Crab is No.1！

■題之為： No.3 Crab is No.1！

放大圖片
■這就是秘密：咖喱葉。

■這就是秘密：咖喱葉。

放大圖片
■ No.3環境是尋常路邊餐廳。

■ No.3環境是尋常路邊餐廳。

a. No.3 Crab地址： 265/267 Outram Road

路邊偶遇湯中白放大圖片

「唓，嚟嚟去去咪就係辣蟹、胡椒蟹、咖喱蟹，試過晒啦，仲有乜花臣？」你又唔好咁快嗌悶住，當地蟹店多，激烈競爭下一定衍生出新煮意，「全新加坡通街胡椒蟹、辣蟹時，就只有我哋首創鹹蛋蟹，包你喺第二度食唔到！」黃金蝦喺香港食過，鹹蛋蟹真係聞所未聞，師傅曾經在香港當過廚師，熟知香港人口味之餘，亦集各家大成而練就一身好武功，鹹蛋蟹煮來不像黃金蝦一般乾，反之汁多，蟹食起來有更香濃的蛋黃味，更可撈飯，三扒兩撥扒了兩大碗。蟹肉質地不像之前吃到的實淨，但也不過不失，依然鮮甜：「係咪真係招牌講嘅斯里蘭卡蟹 o架？」「哈哈，唔怕老實話你知，知唔知斯里蘭卡蟹食咩大？」「唔知！」「當地流行水葬，將屍體拋落河就算，咁你知點解斯里蘭卡蟹咁大隻又咁好肉啦！」師傅的老實，真係令我以後唔知食唔食斯里蘭卡蟹好……

放大圖片
■齋食蟹唔夠？加碟炒蜆也不錯，約$55。

■齋食蟹唔夠？加碟炒蜆也不錯，約$55。

放大圖片
■蘆笋炒帶子雖上用雪藏帶子，炒來卻有鑊氣，約$70。

■蘆笋炒帶子雖上用雪藏帶子，炒來卻有鑊氣，約$70。

放大圖片
■就這樣坐在路邊，加瓶啤酒風味十足。

■就這樣坐在路邊，加瓶啤酒風味十足。

放大圖片
■想用隻蟹蓋嚟遮住？仲差啲喎！

■想用隻蟹蓋嚟遮住？仲差啲喎！

b.湯中白地址： 397 River Valley Road

遊客必到東海岸

講到食蟹，上網一搵就指遊客去東海岸（ East Coast），那是遊客區，可以想像食完會是一頸血，但就像西貢，明知貴也要試一試。招牌上「無招牌」的名字取得過癮，網上這樣說：「胡椒蟹一般都是以黑椒來做，無招牌則首創以白胡椒煮成」，西人愛用黑椒，貪其味重有辣度，東方人則較愛白胡椒，較香而味道不會蓋過海鮮原有鮮味。蟹上枱，牠的國籍令我猶豫咗陣：「我們的蟹全部是來自斯里蘭卡的，所以大隻夠重秤，啖啖肉。」本來是賣點卻變成包袱。算吧，換個想法：食物鏈而已，非常有機呢！一把拆開大蟹箝，露出一隻雞髀咁大嘅肉團，混和着香濃白胡椒汁入口你知有多幸福嗎？微辣在口腔累積而漸漸起勁，稍稍掩蓋了一點蟹味，但肉質搭夠，這夜跟 Iris食到啜乾手指才收手！

放大圖片

放大圖片
■奶油蝦婆表面炸得酥脆，奶油極香，小份約$112。

■奶油蝦婆表面炸得酥脆，奶油極香，小份約$112。

c.無招牌地址： No. 50 Stadium Boulevard

夜景最強文華東方

新加坡咁多新酒店，趕新的同時請別忘記，有些老牌屹立多年仍站得穩，當然是有其過人之處。位於碼頭，對住動工中的金沙就是文華東方，臨近市中心卻異常安靜，開揚的景觀望正港灣，遠眺還可見到魚尾獅在噴水，全因房間一塊落地大玻璃，進房一刻彷彿沒有牆壁，伸手可及點點燈火。房間還配置了可接駁 ipod、電腦的影音組合，若然與情人到訪，播一首輕盈的爵士樂，依偎着看夜景，還可泡個熱水浴，浴室早預備了大量浴鹽，玩完一天洗盡疲勞，然後……一覺睡到天明。

放大圖片
■我是沒有想過在新加坡也可看到如此夜景。