"係咪好型呢！（設計對白）"
自我獎賞
林峯戰車慶功
2010年04月22日
香車美人，男士最愛。去年勤力到爆，連接三部戲開演唱會的黎明，早已娶得美人樂基兒的他，預訂全球限量 599部，價值 320萬的法拉利，作為自我獎賞。
除了黎明，年初爆冷奪得無綫「亞太區最受歡迎男歌星」的林峯亦豬籠入水，不但以二千萬購入豪宅縉城峰，還以 168萬換新款瑪莎拉蒂，識搵識使。
捱眼瞓唔用司機
近日踩住兩組，要趕拍電影《翡翠明珠》，又要為電視劇《不速之約》煞科的林峯，雖然每日瞓得幾個鐘，不過他依然自己揸車過海返電視城，唔用司機。由於五月初他便要到北京拍外景，唯有爭取時間，跟「新歡」相處。
上週四（四月十五日）晚上九點左右，一身黑打扮的林峯，揸住四月才落地的新款黑色瑪莎拉蒂跑車返工，在化妝間等入廠時，跟同劇演員歐陽震華大講車經，還聲言由北京返港後，會將新車改裝。
林峯跟阿 Sa、容祖兒、王祖藍合作的電影《翡翠明珠》，五月要到北京拍外景，所以趁在香港日夜揸住新歡返工。
林峯備受力捧，拍完電影《抱抱俏佳人》又拍《翡翠明珠》，根本冇乜機會使錢。
林峯以 168萬購入的新款瑪莎拉蒂跑車，車身黑色，張揚得嚟亦算低調。
林峯的舊款平治，入行揸到而家足十年。
買樓老豆佔大份
「阿峯（林峯）成日俾人彈佢架車（平治）又殘又舊，係咁慫恿佢換車，幾個月前佢已經開始拎住本車書研究，好多朋友叫佢買保時捷，但佢自己又鍾意寶馬，心大心細，思前想後，都係覺得呢兩個牌子成日出新款，個款好易 out，最後扑槌買瑪莎拉蒂。」林峯身邊人透露。
老豆有「廈門李嘉誠」之稱，家族坐擁二十億身家，但林峯揸開的平治跑車，亦一用十年。
「佢唔想俾人覺得靠老豆，其實之前買樓都係阿峯老豆佔大股，佢只係佔好少，雖然冇話俾人知，不過俾報紙踢爆冇辦法。不過今次換新車就係自己俾錢買嘅，佢舊年賺到唔少，如果唔係都唔會買成過百萬嘅車。」
賺到笑
過去兩年林峯吸金能力驚人，僅次於阿佘，穩佔 09年無綫藝員收入龍虎榜亞軍，納稅款項高達百四萬，難怪會笑住大呻肉赤。
演唱會
香港× 2 $100萬
大馬（聖誕）× 1 $80萬
越南× 1 $60萬
劇集
《摘星之旅》 30集× 3萬 $90萬
《談情說案》 25集× 3萬 $75萬
《不速之約》 25集× 3萬 $75萬
電影
《翡翠明珠》 $20萬
《抱抱俏佳人》 $20萬
配音
《喜羊羊與灰太狼之牛氣沖天》 $15萬
《風雲決》 $15萬
廣告
依波路手錶（中港） $120萬
alicafe咖啡（東南亞） $150萬
六福珠寶（中港） $120萬
眼鏡廣告 $60萬
活動
香港（ 12個×$8萬） $96萬
內地及東南亞（ 15個×$10萬） $150萬
海外登台
美加（$40萬× 2場） $80萬
內地及東南亞（$25萬× 10場） $250萬
唱片
《 Let's Get Wet》 1.5萬×$10 $15萬
（以每隻拆賬$10計）
總收入約$1,591萬
320萬法拉利
除了自己密做密搵外，跟黎明搵食的衞蘭亦做出成績，唱片賣得兼攞埋獎，令老闆有面。咁開心，當然要獎勵一下自己，早前黎明便預訂法拉利最新款戰車，這部不久前才在北京車展曝光的 GTO599，全球限量生產五九九部，價值四十萬美金，約三二○萬港幣。
「 Leon不嬲都鍾意辣車，呢架 GTO599好輕好快，佢一睇就好鍾意，除咗佢，關兆昌都訂咗一架，因為只係俾 VIP預先訂購，所以唔係話有錢就一定買到。」黎明身邊人透露。
黎老闆開心豪花三百萬買車，據知，跟旗下一班仔女發力賺到錢有關。「李治廷贏咗金像獎最佳新人同原創電影歌曲，衞蘭又打贏樂壇一姐，喺 IFPI攞到兩個獎，其中一個仲要係全年最高銷量女歌手獎， Leon梗係好開心，加埋 Galie入咗公司之後，帶住衞蘭同 Janice Man行騷，幫手賺埋一份，買架車濕濕碎。」黎明早已搵落大把，買幾百萬大玩具過吓癮，絕對九牛一毛。
賺到錢梗要送禮物俾自己。（設計對白）
黎明近年拍戲搏到盡，要冒險攀竹棚，完全唔錫身。
Janice Man跟衞蘭孭飛合作的電影《 Frozen》，黎明亦有客串。
黎明訂購的限量版法拉利，在北京車展首度曝光，要 VIP先買到。
名牌擁躉
買衫、買車反映個人品味，歐洲名廠靚車瑪莎拉蒂、法拉利，更是不少講究速度、身份象徵的名人明星心頭好。
瑪莎拉蒂 Fans
林莉 現已轉戰模界的 05年港姐季軍林莉，去年有傳她成功釣到大陸金龜後，出入均有司機駕着二百萬瑪莎拉蒂跑車接送。
樂基兒 有老公錫到燶的 Galie， 08年獲贈逾 150萬的黑色瑪莎拉蒂 GT單門跑車作生日禮物。 Leon另外豪花約 20萬添置配件，且掛上代表 Galie的 GIA車牌。
李嘉欣 08年 1月，許晉亨為討佳人歡心，豪花近二百萬購入珍珠白色的瑪莎拉蒂，並以二人洋名 Michele及 Julian縮寫的「 MJ」為車牌。
法拉利 Fans
徐子淇 千億新抱徐子淇， 07年誕下長女李曦彤，老公李家誠即贈送價值近五百萬的法拉利 612 Scaglietti作獎勵，更「靜雞雞」投了「 1OU」車牌，心思盡現。
郭富城 城城坐擁超過十部顏色鮮艷的法拉利，多屬保值之限量版，當中包括車牌「 KING」的坐駕。超級 Fans的城城更被法拉利廠方列為 VIP， 06年購入的 F430 Spider，價值逾三百萬，是他夜蒲的御用戰車。
麥浚龍 Juno 潮流達人 Juno經過兩次考牌失敗後，終於在 05年成功過關，其父麥紹棠一口氣購入三架法拉利賀 Juno。講究享受的他豪花數十萬，添置美國高級音響，認真識歎。
林峰年入千萬賺到笑 豪花百萬買戰車慶功
香車美人，男士最愛。去年十分勤力，連續三部電影及開演唱會的黎明，早已娶得美人樂基兒的他，預訂全球限量599部，價值320萬的法拉利，作爲自我獎賞。
除了黎明，年初爆冷奪得TVB“亞太區最受歡迎男歌星”的林峰也毫不示弱，不但以兩千萬購入豪宅，還以168萬換新車瑪莎拉蒂，會賺會花。
留言列表
