香港人玩音響，歐美日為王道！土炮、港產品牌已罕見，更不要提香港原產嘅音響設計專才！近期異軍突起於外國音響雜誌及網站嘅 MiniWatt，其設計師 Derek，原來竟是地道 70後港人，仲話早在中學年代已開始「砌機」，果然有膽識！記者：許福合攝影：楊錦文

Derek檔案室

Derek Shek： 70後，電子工程碩士，在中學時代開始組裝膽機， 2009年創建品牌 MiniWatt，研發音響產品，有近 15年以上研發經驗。

DIY膽機

他叫 Derek，自創品牌 MiniWatt， 70後音響設計師，對於音樂，自小就有追求完美傾向；中學時代，已膽粗粗跑到鴨記買料自己砌機：「那時預算只有幾百，所以多選擇已絕版嘅材料 DIY！」咪以為 Derek玩玩吓，他的 DIY作品，音色絕對係「物超所值」。打定主意在這方向發展的 Derek，其後開始音頻產品的開發，如 DAC、揚聲器及音頻放大器，不過令佢成功上位嘅，係發燒友愛極嘅膽機！

放大圖片
■自創品牌 MiniWatt，主要研發音響產品為主。

■自創品牌 MiniWatt，主要研發音響產品為主。

放大圖片

 

 

S1最小最輕 放大圖片
■第一部推出的 S1，已經賣完，由 N3接替。

■第一部推出的 S1，已經賣完，由 N3接替。

真空管放大器，亦即係俗稱嘅膽機，係 Derek重點發展產品，不過，香港巿場細兼窄，新品牌較難進入，所以首款作品 S1，主要在歐美巿場出售。 S1特色係使用開關電源，比其他膽機都細，曾被評為「世界最小最輕膽機」！一年之後嘅今日，佢再推兄弟版── N3，外形大些少，但有更佳音質，而選用真空管係俄膽 12AX7，同兩支美膽 EL84，相比大佬 S1， N3低音方面會更好，適合聽人聲音樂為主。 S1及 N3還有個特別設計，可直接使用 100-240V電源，加上機身細， Derek就聽過：「有用家去旅行都帶埋 S1，貪佢唔使用火牛。」

放大圖片
■可直接使用 100-240V電源，給不同國家地區使用。

■可直接使用 100-240V電源，給不同國家地區使用。

放大圖片
■產品主要以歐美作銷售，外國網如 CNET都有作介紹。

■產品主要以歐美作銷售，外國網如 CNET都有作介紹。

放大圖片
■$2,939（約 378美金）。

■$2,939（約 378美金）。

放大圖片
■ N3會跟俄膽 12AX7，及兩支美膽 EL84，着重低音及人聲。

■ N3會跟俄膽 12AX7，及兩支美膽 EL84，着重低音及人聲。

 

玩膽機 Tips

既然遇上 Derek這位音響設計師，當然請教一下，玩膽機有何秘技！我最想知黑膠配膽機是不是最好呢？ Derek認為：「啱聽的黑膠難找。」他自己多聽 CD及數碼音樂為主，而 S1及同 N3在音頻方面可達到 30kHz-40kHz，而人耳上限只是 20kHz，所以應該好夠聽！須留意的是真空管的選擇， Derek就建議選用 NOS，有助於瞬態反映，低頻感覺更好。例如音色較全面的 Telefunken，人聲悅耳的 Mullard，另外 Philips就屬於平均型，都有一定水準。至於發燒級玩家， Derek就建議在電源線、喇叭線及 RCA線着手，優質線材在音質傳導上會有更佳表現。

放大圖片
■ Derek說要注意線材質素及抗阻等數值，適當配搭試聽去調校音質。

■ Derek說要注意線材質素及抗阻等數值，適當配搭試聽去調校音質。

放大圖片
■機背插頭會列有抗阻，方便配搭擴音機或喇叭。

■機背插頭會列有抗阻，方便配搭擴音機或喇叭。

 




arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄