今年三月喺九展開咗四場演唱會，正式回歸樂壇嘅蔡楓華，做埋下個月喺柴灣青年廣場嘅迷你個唱，就會冚旗，直到明年復活節紅館個唱，先再復活。


上星期三（九月二十八日），蔡楓華去港台做訪問，一班忠實fans又花又禮物，一袋二袋。做完訪問等的士走，有fans見到紅唇王子甩鞋帶，二話不說，踎低幫佢綁，有人做阿四當街服侍，蔡楓華一邊飲水一邊享受。


借用閣下金句：剎那光輝唔代表永恒！唔好忘記，全靠老友盧敏儀同孫敬安，你先唔使屈埋錦田屋仔，唔使再靠年邁母親接濟，打完齋唔要和尚，仲扮晒大爺。呢個世界，冇理所當然。小心！ ####



女fans攬住合照，又當蔡楓華王子服侍，當街踎低幫佢綁鞋帶，睇吓紅唇王子幾得戚。


做電台訪問，蔡楓華fans送花又送禮，收穫豐富。



Fans護送蔡楓華同助手搭的士過海，上樓放低禮物後再去酒樓醫肚。



今時唔同往日，蔡楓華搬咗去筲箕灣上樓住大廈，唔再匿埋錦田住屋仔。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄