上個禮拜五（三十日）晚，一班《九江十二坊》嘅演員，約埋一齊食飯睇大結局，同無綫冇約，冇幫劇集做宣傳嘅林保怡，難得現身飯局，原來全靠家燕姐急call。「之前收到家燕姐電話，當時我仲响大陸，好在趕得切返嚟！」


之前俾人影到同「電訊魔童」王維基食飯，林保怡唔怕公開講自己大把人爭。「香港同內地都有公司接觸我，開出嘅條件都好好，（無綫明年開《金枝慾孽2》，樂易玲想搵你喎！）睇誠意，始終地球係圓，可能 2013年我會返去。」兜個大圈，都係say no。
無綫冇本事留林保怡，盛傳同樣被王維基睇中嘅甘草陳榮峻，同一日下午，跟馬浚偉鍾嘉欣喺九龍城拍新劇《當旺爸爸》，兩位小生花旦不斷NG，講唔夠兩句對白又忍唔住笑，難為陳榮峻陪企。好演員難求，無綫三思！


####


一直拒絕幫新劇做宣傳嘅林保怡，肯現身食飯睇大結局，講到明純粹俾面家燕姐先出現。



馬浚偉鍾嘉欣講對白不斷NG，之後又忍唔住互望偷笑，難為陳榮峻，要陪罰企兼遲收工！


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄