旅行旅遊泰國曼谷撞鬼夜商場　篤畸形士碌架－明星靚相大分享☆

「一生總有第一次」，只是無諗過經手人會係胡慧冲。來到曼谷最新鮮滾熱辣的鬼屋主題商場 Mansion 7，有古怪士碌架、力士敲棺材玩，但我第一時間唔係入鬼屋撞鬼，係入性商店搞搞震。記者、攝影：曾冠輝

鬼屋 Shopping至 2am 放大圖片
■呢張士碌架枱，傅家俊搞唔搞得掂？

■呢張士碌架枱，傅家俊搞唔搞得掂？

終於終於，曼谷終於有個啱晒大人細路、男男女女飯後夜遊的「夜場」。咪心邪！「夜」「場」者，開到好夜的商場也，平日開到午夜 12點，周五六更至凌晨 2時方休，仲夜過夜市。新商場字號： Mansion 7，耗資約 4千多萬港元打造，內設 40間舖，集時裝、精品、娛樂、飲食於一身。跟曼谷任何一間大型商場都不能相提並論，甚至可稱之為曼谷唯一主題 shopping mall。 Mansion 7的設計概念是 Boutique Thriller Mall，簡單講就係鬼屋商場。「大宅」外牆古怪佈置再配上紫色燈光，嚇人得嚟仲幾有型。正門 10幾米高一隻「幽冥鬼爪」非常詭異，遊客進場分明就是送羊入虎口。商場內燈光昏暗，佈滿亂石、枯樹、空凳等陰森元素，天花還懸掛一個巨大橙月，氣氛一流，十足置身怪誕城。中央位置是個大「 Playground」，設不同古怪遊戲設備，如畸形士碌架枱、力士敲棺材、獎門人式橡筋纏身開寶箱……特別日子還會開 P，正如剛過去的萬聖節便辦了一場盛大化裝舞會。

放大圖片
■可樂車，雖然唔知點解關佢事。

■可樂車，雖然唔知點解關佢事。

放大圖片
■戒指約$311，頸鏈約$233，有佢鬼怪無有怕。

■戒指約$311，頸鏈約$233，有佢鬼怪無有怕。

放大圖片
■ Playground上有小攤檔，有售賣「好人之眼」飾物的，唔使周圍搵啦。

■ Playground上有小攤檔，有售賣「好人之眼」飾物的，唔使周圍搵啦。

放大圖片

Playground三大鬼怪 Game 放大圖片
30秒內要走過呢個地獄泥沼敲響個鐘，以為簡單，跑落你就知吃力。

30秒內要走過呢個地獄泥沼敲響個鐘，以為簡單，跑落你就知吃力。

放大圖片
背綁橡筋， 30秒內跑到 10米外的寶箱打開並抽出寶物，一跣腳即刻彈番轉頭重新嚟過。

背綁橡筋， 30秒內跑到 10米外的寶箱打開並抽出寶物，一跣腳即刻彈番轉頭重新嚟過。

放大圖片
唔會陌生啦，力的表現，以鎚打棺材，大力到顯示燈上到頂即可，咪講笑，個鎚都幾重。

唔會陌生啦，力的表現，以鎚打棺材，大力到顯示燈上到頂即可，咪講笑，個鎚都幾重。

Mansion 7地址： 244/7 Ratchadapisek Road, Huaykwang, Bangkok網址：http://www.themansion7.com

　曼谷人就為驚而來放大圖片
■中央 Playground地方闊落，最喜歡天花吊着的橙月。

■中央 Playground地方闊落，最喜歡天花吊着的橙月。

係咁嘅，話說大宅是建築師 Ombra送給老友 Lord Ratchada Piriyayota之作， Ratchada是位出了名好人的醫療軍官，可是第一次世界大戰後成為戰犯而受盡折磨，獲釋後性情大變。後來，獨生女更染上怪病， 17歲便香消玉殞。漸漸大宅也就重門深鎖，只有建築師依然來探望。久而久之，街坊開始八卦，傳說聽見大宅傳出慘叫聲， Ratchada變成瘋狂博士，晚晚匿喺大宅做人體實驗，希望找出令女兒重生的辦法。而白老鼠都是從醫院捉來的病人，更有入無出。死者化成厲鬼，希望報仇。 Ratchada也不是省油的燈，除了精通醫術，竟還會邪術，他使出黑魔法的七個咒語，將惡靈鎮壓在大宅內，可是還欠了一個重要元素：好人的眼睛。一晚建築師如常造訪，可是這次他再沒有步出……驚？啱晒！不少曼谷人就是為驚而來，因 Mansion 7的重要構成其實是鬼屋，以上傳說正是鬼屋 Dark Mansion的背景故事。實地有幾驚？當然唔可以話你知，但以泰國鬼怪指數參考，驚嚇程度點都有番咁上下。咁故事孰真孰假？唔使講啦。

Dark Mansion（鬼屋）　門票：每位約$47

衝入性商店　搵做愛廁紙

鬼屋以外勿忘重點： shopping呀！揀得「鬼屋」開舖的相信都非一般人物，是故商場內古怪店舖特別多。未入商場 Roger已預先透露：「裏面有正嘢，全曼谷只此一家！」以為係咩，原來係 sex shop。喺香港呢個「保守之都」總係怕尷尬連眼尾都唔敢望一眼，反觀曼谷，店員任影唔嬲，參觀者面無難色出出入入，這才是自由開放。此回終於可以名正言順，拉住 Roger衫尾兼拎住相機直闖。店內一般震動系性玩具固然有，其他齋具玩味的諸如陽具蠟燭、做愛姿勢插圖廁紙等亦有。當中最欣賞是幾副 board game、 card game，玩者需按圖板或遊戲卡上指示做出性愛動作。無論與情人單挑，還是一班朋友群揪，都能盡興。

放大圖片

放大圖片
■有佢肚屙都高興！約$57

■有佢肚屙都高興！約$57

放大圖片
■「 Oral Sex」 board game約$324、「 O!」 card game約$168

■「 Oral Sex」 board game約$324、「 O!」 card game約$168

放大圖片
■忌廉有朱古力和士多啤梨兩種味，用嚟做咩？梗唔係整蛋糕啦！約$110

■忌廉有朱古力和士多啤梨兩種味，用嚟做咩？梗唔係整蛋糕啦！約$110

The Hidden Closet　地址： Garden C 05

索女老闆設計　暗黑高貴放大圖片
■老闆娘阿 Mo自家設計時裝。紅色連身裙，簡單得來心口誇張。約$409

■老闆娘阿 Mo自家設計時裝。紅色連身裙，簡單得來心口誇張。約$409

Mansion 7內不少是小本經營的自家設計。正如 Greenwich，索女店主阿 Mo以往從不涉足 fashion，一天忽發奇想自己試試設計時裝，仲開埋舖頭創業做生意。以為佢玩玩吓，請阿 Mo自己做 model着上身影相，一睇先知設計一啲都唔差，風格帶點 dark elegant，高貴得來有型，着去飲或蒲都無問題。阿 Mo着得入型入格，完全是按自己 style度身訂做，絕不是外間連鎖店式時裝的那回事。唯一可恨是店只設女裝……

放大圖片
■舖頭細細卻貨不少。