陳偉霆（ William）同蔡卓妍（阿 Sa）譜出姊弟戀，人前人後晒恩愛做真人騷，前日係阿 Sa嘅 28歲生日，前一日就係 William牛一，兩個唔單止喺微博互相祝賀， William前日傍晚仲專程喺內地趕飛機返港同女友慶祝，睇落真係好 sweet，聽聞當晚 William為阿 Sa搞咗個 party，雖然好似又有狗仔隊成功跟到影相，但無損壽星女雅興。不過呢段姊弟戀似乎唔係人人受落，好似 William生日嗰日，有網友上載咗李思捷喺《福祿壽》節目中扮 William唱佢首《 Taxi》嘅改版《 Twinz》為佢贈興。
放大圖片 
李思捷喺《福祿壽》中化身的士陳大唱《 Twinz》，喺網上吸引近 15萬人點擊，歌詞仲好抵死。 電視圖片
放大圖片 
放大圖片 
放大圖片 
改編歌詞啜核 放大圖片 
William之前有首主打歌《 Taxi》，估唔到今時今日畀無綫惡搞之後反而 hit爆。
片段中李思捷着黑西裝打煲呔，同班麻甩佬喺架的士前跳晒舞，佢邊跳邊唱：「結過婚我最冧我有樣佢有金… I Love You Twinz日夜共你玩腳趾… Sa姐啲新聞我愛慕 Call班狗仔去佢度…醉到爆埋單喺佢手慳番兩三舊。」唔單止講阿 Sa，連過氣女友 Angelababy都辣埋，當中大唱：「 My Angel Baby日日令我很無面…慳啲啦 Baby」加埋李思捷扮 William大細眼同跳舞手勢，真係入型入格。
點擊率近 15萬
無綫唔知搵咗邊位填詞高手填啲咁抵死啜核嘅歌詞，唔少網友睇完都激讚，段片上載咗 3日，點擊率已經近 15萬， hit爆 Facebook同 Youtube，絕對比 William嘅《 Taxi》爆紅幾十倍，唔知 William會唔會搵番呢位填詞高手喺下張碟合作吓呢？ 
William同阿 Sa經常喺人前人後大晒恩愛，不過似乎唔係人人都受落。 資料圖片
留言列表
