明星靚相大分享☆

擁有 32D咪咪的周秀娜愛到夜場搵快錢，她日前以爆乳裝胸降馬來西亞表演捽碟，引死場中大馬宅男，紛紛黐着女神求索電話號碼。

周秀娜日前率領舊 8模師妹 Annie G.和 Hailey C.，一行三人到馬來西亞的吉隆坡及檳城表演捽碟。她們早前曾拍檔在香港的夜場演出，這次轉場到熱辣辣的大馬，受當地熱情 fans感染，周秀娜在夜店邊 fing頭邊捽碟， high爆全場。

放大圖片

周秀娜與師妹 Annie G.（左）到大馬捽碟。

放大圖片

Annie G.（左）和 Hailey C.鬼馬偷錫周秀娜玉背。

遭師妹偷吻

周秀娜當晚賣大包，勁托 32D咪咪，在強勁音樂下，大馬 fans情緒高漲，不少宅男更走近捽碟台親近周秀娜，她說：「現場太嘈， fans行埋嚟係咁遞部電話過嚟，我最初以為佢哋送電話畀我，後嚟原來佢哋叫我睇部手機嘅短訊，內容係問我攞電話號碼，猛叫我打番號碼落去畀佢哋，我就笑住拒絕，然後助手幫我解圍。」捽碟之餘，周秀娜又到舞池跳舞，她起勢扭動蛇腰，師妹 Annie和 Hailey更乘機從後偷吻周秀娜玉背，但周秀娜玩得太投入而未察覺，她說：「我真係唔為意到佢哋錫我，好彩係女仔，唔係就蝕底晒。」

放大圖片

Hailey C.（左）和 Annie G.演出受歡迎，開心得舉勝利手勢。

放大圖片

場內氣氛熱烈，全場 high爆。

推介老鼠粉

周秀娜又大讚大馬的特色美食：「我推介大家食老鼠粉，最初聽個名以為係內臟，原來係銀針粉，好正，好值得推介。」為食的 Annie和 Hailey無懼腰間豬腩肉，竟瘋狂將當地即食麪整箱空運搬回港。採訪：比華利


周秀娜勁托 32D咪咪，谷到上頸，引死場中宅男。