近期憑《巾幗梟雄之義海豪情》中排骨仔一角人氣飆升嘅敖嘉年，早前盛傳因冼灝英不滿早年跟過佢學大聖劈掛嘅敖嘉年拜咗陳觀泰做師傅而涉嫌襲擊嘉年，不過，嘉年已經唔打算追究，所以事件應該都告一段落。
放大圖片 
入到超市，敖嘉年專向啲健康食品埋手。
放大圖片 
敖嘉年除咗鍾意睇書，亦醉心武術。 資料圖片
注重飲食健康 放大圖片 
演非凡哥嘅麥長青將同敖嘉年爭最佳男配角獎。
原來嘉年除咗鍾意學大聖劈掛之外，亦好鍾意睇書增值自己，真係文武雙全。好似早幾日咁，馮仁昭就撞見嘉年一支公喺銅鑼灣時代廣場嘅 Page One打書釘。當日嘉年對中國歷史同武術嘅書最有興趣，尤其係南宮不凡嘅《少年乾隆》，嘉年睇得最津津有味。打完一輪書釘之後，嘉年再去超級市場買嘢，佢揀咗包麥皮同秀珍菇之後就離開，睇嚟佢都幾注重飲食健康。
工作排到一月
噚日馮仁昭同嘉年傾電話，講到佢近期嘅工作量時，佢話都算唔錯：「下個月我會同林保怡、陳錦鴻拍黃偉聲嘅新劇，又接咗啲廣告同登台唱歌騷，工作排到出年一月，都算唔錯。」至於嘉年喺《義海豪情》嘅戲份雖然唔係咁重，但都有份跟同劇嘅非凡哥麥長青同埋《鐵馬尋橋》嘅林嘉華爭奪無綫台慶頒獎禮嘅最佳男配角獎，認真巴閉。 
一支公嘅敖嘉年喺書店逛咗一輪，最鍾意睇歷史書。
全站熱搜
留言列表
