噚晚打完亞運女子沙灘排球決賽，電視無直播真係有啲失望！ XB360新推《 Kinect Sports》，好似知大家極欲開波，新追加全體感沙灘排球；親身落場，會唔會更加熱血沸騰呢？記者：許福合攝影：楊錦文Model： Kinki@PureModels
其他副刊影片 回波講 Timing 放大圖片 
■見到粉紅排球圖示，就要立即揮手擊球。
《 Kinect Sports》之前公開示範版，只能玩足球、田徑同保齡球；今次正式版到手，發現多加咗沙灘排球、拳擊同桌球。沙灘排球跟足國際賽例，打 2對 2模式；知你屋企打波湊腳難，同 Team玩家會同電腦 NPC合作 2 Play；角色移動基本交由電腦控制，咪打得興起通屋跑，走出鏡頭就無戲唱喇！遊玩重點放喺掌握擊球時間，擊球前會出現粉紅色排球圖示，限時內在畫面同一位置做出擊球動作，就可以將排球打出。
放大圖片 
■除咗沙灘排球，仲有拳擊、桌球等 6個項目。
放大圖片 
■開波之前，都有教學簡介。
揮手指向扣殺
齋搓波！又點贏錦標賽？想贏波，都係要靠扣殺得分！不過大家咪亂「殺」，出招前需符合幾個條件；最先決係排球要喺網前，飛到頭頂時，畫面一出現 Jump，你就要馬上雙腳離地、揮手殺球！最厲害係 Kinect仲可以辨識玩家嘅「左扣右殺」，秘訣當然係殺落敵方場區空位啦。相反！玩家如處於防守下風，電腦扣殺時，你頭頂會馬上出現雙掌封網圖示，不過絕對係稍縱即逝，呢啲咪考反應囉！
放大圖片 
■見到 Jump，就要立即跳起扣殺。
放大圖片 
■打完波，仲可以睇番自己真人 PlayBack。
基本動作 睇住嚟練 放大圖片 
1.校角度揮手擊球時，可向左、中、右揮手，控制擊球落點。
放大圖片 
2.封擋人牆見到畫面出現雙掌圖示，就要馬上舉高雙手做人牆。
放大圖片 
3.撲救對方扣球時，球速會較快，救球時可伸出單手救波。
放大圖片 
4.接球體育阿 Sir教嘅標準排球接波動作，一樣用得番。
XBOX（ 3071 4868）
同場加映Kinect主打新 GameYour Shape： Fitness Evolved 放大圖片 
練瑜伽、耍太極，體感做瘦身運動，仲 Pro到幫你計埋消耗幾多卡路里。
Kinectimals 放大圖片 
將老虎、獅子變家中寵物，有虛擬接觸兼互動，愛心爆棚女友想養寵物？救星到！
Kinect Adventures 放大圖片 
有 5種冒險遊戲，最正係身處深海玻璃艙，要用手腳擋住漏水，緊張刺激！
Kinect Joy Ride 放大圖片 
隔空扮揸軚，就可以操控架車嘅轉向、玩飄移、噴射加速及各種蠱惑道具。
新體感腦力鍛煉 放大圖片 
有計算、反射、判斷、記憶、動作等問題，玩家以身體作答，測試「腦年齡」。
SONIC FREE RIDERS 放大圖片 
玩家變身超音鼠，以傾斜身體控制飛行滑板轉向，及做出跳躍、翻轉等特技動作。 
留言列表
