人車合一唔係講駕駛技術咁簡單，仲要同架車夾埋型格，咁先至襯得起佢，好似高頭大馬的三菱 L200 Sportero，唔係個個襯得起，最近小改款後，除繼續保持粗獷形象，加花臣帶出溫柔，扮瀟灑就最啱！記者：趙慧敏攝影：譚盈傑Model： Suki@GME Models
其他副刊影片 改款迎合型人 放大圖片 
■於新加坡更變身成警車呢！
雖則 L200 Sportero屬農夫車，不過喺香港究竟有幾多個農夫會揸住佢開工？我諗真係有數得計。今時今日揸住架農夫車出街，車斗當然唔再放蔬菜雜貨，用來放潛水衣及滑水板就最啱。為咗令更多型人臣服，推出咗一段時間的 L200 Sportero當然唔會一本通書睇到老，間唔中改吓款，咁至滿足到班型人貪新鮮的性格。
閃令面罩更立體 放大圖片 
呢架小改款推出，雖算不上翻天覆地，但總給人新鮮感，最大的改變集中在車頭，原來兩組斜紋鬼面罩換上閃亮電鍍飾面，亦令整個鬼面罩更添立體感。再配襯起新設計的一體式霧燈與氣壩，令全車感覺更年輕。
放大圖片 
■頭燈設計充滿粗獷味。
放大圖片 
■配上電鍍飾面的鬼面罩，車頭增添立體感。
圓柱腳踏 點點 Cutie
車身達 5,000× 1,800× 1,780mm，在街上行駛時猶如巨無霸，廠方將原本有磨砂效果電鍍四輪輪拱稍稍變身，改為車身原色，即時將車形改得更修長，個人覺得粗獷味雖稍稍減少，不過外形添上斯文感覺，強化了返工車與假期遊兼備之優點。不過純粹主觀感覺，車身兩旁的圓柱形腳踏最討我歡心，圓碌碌十分 Cute，與一般硬邦邦一塊式腳踏，設計實在有誠意得多。
放大圖片 
■分隔車斗與車廂的電動窗可自動開關。
放大圖片 
■圓柱形的腳踏設計頗具心思。
內櫳保持豪華感 放大圖片 
■後座空間十足，坐足三人都唔覺侷促。
內櫳保持豪房級數的豪華感，天窗設計最啱愛自由的車主，電動真皮座椅、恒溫冷氣等可在中控台按鈕控制，開車都要夠瀟灑！
放大圖片 
■中控台頗具豪華房車味道。
放大圖片 
■三圈式儀錶板由過往藍底改為灰底，稍嫌樸實。
Turbo幫助 任扭都得
動力方面，行車時可選兩驅及四驅模式，可輕鬆於市區及越野行走。雖採用 2.5L偈，只輸出 136匹馬力，但在 Turbo幫助下，扭力可達 32kg-m，且在二千轉就開始釋出，令它在崎嶇不平的越野路段，一樣應付自如，真係做到想點扭就點扭。
放大圖片 
放大圖片 
規格
引擎： 2,477cc直四柴油 Turbo馬力： 136ps/3,500rpm扭力： 32.0kg-m/2,000rpm傳動：四前速自動波/四驅售價：$319,900（自動波版）$269,900（手波版）查詢： 2721 1111（寰宇汽車） 
留言列表
