Panamera V6　孻仔保人心－明星靚相大分享☆

城中富豪人工產下三胞胎開心到爆，可想而知開枝散葉真係幾緊要，不過有時唔止富豪，車款添多幾個家族成員，一樣令人興奮。好似保時捷 Panamera家族，一推出已經爆出，既然受歡迎，當然出多幾個車款有多啲選擇，最新成員是 Panamera V6，唔知會否因為孻仔孻孻心肝，更討人歡心呢？記者：趙慧敏攝影：林栢鈞

孻仔屬入門級放大圖片

比起 Panamera其他家族成員個個孭住 V8甚至 Twin Turbo偈， Panamera V6以性能來說明顯是入門級數；不過今時今日個個講環保，如果用唔盡啲性能，咪造成浪費！何不選擇入門版，算是為地球出一分力。話明屬入門級， Panamera V6輸出馬力足足達 300匹，比起同樣是後驅、擁 4.8公升 V8偈的 Panamera S少了 100匹馬力，但唔好忘記 Panamera V6少了兩個汽缸，這樣跌級絕對合理！不過既然是保時捷產品，性能定必排首位，雖說只輸出 300匹，不過扭力卻有 40.8kg-m，由 0-100km/h只需 6.8秒，如果設有 Sport Chrono Package Plus系統，速度更可達 6.1秒，雖說不上爆炸力驚人，但絕對是達到 GT級數的房跑。

外形內櫳貫徹貴氣放大圖片
■五環式的錶板加上跑車軚環，揸起嚟更爽。

■五環式的錶板加上跑車軚環，揸起嚟更爽。

外形上 Panamera V6貫徹 Porsche的優雅風格，微微向後斜的車尾，除保持後排乘客的車頂空間感，亦可為尾箱騰出大量空間。不過實用之外，玩味永遠是房跑最誘人之處，既然身價過百萬，當然要與它來個暢遊！為配合其貴氣，半山遊是不錯選擇，就算借一借豪宅的大門口掉頭，也不會受白眼。米白色的車櫳、貴氣的木紋配飾，加上四個獨立跑車座椅，置身其中已是一種享受。

放大圖片
■米白色的車廂配上貴氣的木料配飾，坐在車上已經是享受。

■米白色的車廂配上貴氣的木料配飾，坐在車上已經是享受。

放大圖片
■後座兩個獨立跑車座椅，乘客都可享受跑車樂。

■後座兩個獨立跑車座椅，乘客都可享受跑車樂。

減磅後飆得順放大圖片
■換上 V6引擎後，為車身減磅 30kg。

■換上 V6引擎後，為車身減磅 30kg。

享受當然不可缺少飆車一環，開車跑上山頂，雖然擁有近五米長的車身及 1.9米的寬度，車行過彎絕對沒有累贅感，加上換上 V6偈後令車重減輕 30kg，出入彎位時反而比同門兄弟更靈活。另一好玩之處是這部車已配置 Sport Chrono Package Plus系統，隨手按動 Sport掣，雄渾的引擎聲即時響起，動力反應明顯提升，加上 7前速 PDK雙離合器波箱，無論加速及轉檔的反應更加直截了當。玩完一輪，落山後又遇上一個又一個的燈位，才突然想起 V6版配置的 Start/Stop功能，雖未致停車熄匙，但已經關掉引擎，喪跑之餘，繼續貫徹環保原則。

放大圖片
■原廠懸掛系統偏向溫柔，但車主可另外配置電子懸掛系統調節軟硬度。