廖碧兒嘅「雙豪」風波搞咗 4個月，基本上家都明朗化，廖碧兒同陳豪係過去式，而佢同李澤楷表弟林忠豪就進入穩定期，戀情由地面潛落地下。

無高層撐心淡 放大圖片
廖碧兒日前被拍得同富二代男友林忠豪（左）食飯，證明兩人未散。<br/>資料圖片

廖碧兒日前被拍得同富二代男友林忠豪（左）食飯，證明兩人未散。資料圖片

其實廖碧兒為咗呢段情都付出沉痛代價，不單止被指為拜金女損形象，佢喺無綫嘅發展都急轉直下，聽聞已效力 TVB十年嘅佢打算明年初約滿後離巢，另覓碼頭。年前有傳廖碧兒跳草裙舞，但結果佢都留喺娘家，眨吓眼佢同 TVB嘅合約又剩番一年，雖然時間尚早，無綫都未搵佢傾，不過盛傳呢次廖碧兒對公司好心淡，因為話晒佢都曾經係吸金女王，廣告合約多到兩隻手攞唔晒，但近月佢出事後，一直被投閒置散，冇高層撐又冇人理，同林峯俾邵氏高層黃家禧寸票房陣腳未穩，之後即獲六嬸親書 12真言力撐嘅待遇，真係差天共地。

林忠豪好開心 放大圖片
林&#23791;早排被踩，高層樂易玲（右）即拎六嬸&#22021;親筆書力撐，可見其受寵程度。<br/>資料圖片

林峯早排被踩，高層樂易玲（右）即拎六嬸嘅親筆書力撐，可見其受寵程度。資料圖片

咁啱呢期當家花旦佘詩曼嗌鬆人，廖碧兒又密謀走佬，一個走完又一個，睇嚟 TVB都要諗吓計。事業失意嘅廖碧兒好彩都有林忠豪呵番，日前兩人撐枱腳，林忠豪就繼續保護女友，唔肯多講戀情，前晚馮仁昭問佢同廖碧兒家關係如何，佢就話：「嗰晚係三個朋友加一個助手食飯，食得好開心，關唔關係唔使特別回應，乜嘢都係你哋講，總之冇一齊冇分手。」再問佢有冇慰問同梁洛施分手嘅表哥小小超？林忠豪仲避忌：「屋企人嘅嘢更加唔會講，唔回應。」


有傳廖碧兒對被公司投閒置散覺得心淡，已密謀明年初約滿離巢。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄