明星靚相大分享☆

踢爆老公扮緊張護駕羅敏莊陀B撲水唔撲床位 香港孕婦床位緊張，雖然早前梁振英表示上任後有意實施零雙非，但仍有不少孕婦四出撲床位。已有三個多月身孕的羅敏莊昨日出席活動時，笑指不曾擔心床位問題：「醫生話我係香港人實會有床位！」 羅敏莊（Mimi）昨日由老公陳國邦陪同下，與林莉在中環出席保良局慈善活動。首次將為人父的邦邦表現得甚為緊張，不論Mimi上台、訪問或是去洗手間，邦邦均緊張地扶實老婆，對於老公如此緊張，Mimi笑說：「佢一啲都唔緊張！只係做樣畀大家睇！」開始現肚的Mimi表示：「家個肚三個幾月，但因為自己成日都肚餓，一日食足五餐，又冇乜嘔所以先肥咗。我都覺得要節制下，食番三餐均衡嘅，因為怕只係肥晒係自己度而唔肥個BB。」 盼一索得男 近年孕婦床位短缺，問到Mimi是否已訂了床位？她說：「醫生同我講，話我係香港人一定會有！況且梁振英都話零雙非，香港人一定有床位，所以唔擔心，到時會去浸會生。」她又指雖然未知BB性別，但自己就希望生個仔仔；至於工作安排，她則說：「公司冇安排，可能覺得我大肚唔啱出活動，不過我之前接落嘅唱歌騷都會照做。」 林莉桃花旺 同場的林莉自爆：「呢排都好多唔同嘅人追，不過都係做住朋友先。」問到高以翔哥哥高宇橋是否追求者之一？她說：「我哋冇乜機會單獨約會，不過遲啲佢會嚟香港發展，到時可能有合作機會。」採訪、攝影：譚倩宜 羅敏莊出席活動，老公陳國邦陪住出入，十分緊張。 羅敏莊（右）大住肚依然又唱又跳，希望搵多啲奶粉錢。 林莉自爆近日桃花旺，晒命多人追。