有線奪得下月舉行的世界盃播映權，一班有線體育節目主持前晚在九展演出《足球大龍鳳》棟篤笑騷宣傳，出席名單上有方力申，又指鄭中基（ Ronald）會撐場，不過最後兩人皆缺席。

鄭中基抱恙

據知 Ronald和小方與主持之一的鍾國雄私交甚篤，故鍾國雄邀請兩人看棟篤笑騷時，兩人一口答允，豈料當晚有線打正旗號為世界盃宣傳活動，跟無綫仍有約的小方即時缺席，當晚有線公關表示小方前一晚通知有事不能出現，小方的公司則堅稱未有接這個工作。昨日小方到荃灣出席《 TVB周刊》活動，他解釋：「我同鍾國雄之前拍戲識，所以佢有個騷叫我去捧場，但後來公司話有線出咗通告，咁我同無綫始終有約，唔係咁好，所以冇去到，我打咗電話畀鍾國雄講唔好意思。」 Ronald與無綫沒約，不過他前日扁桃腺發炎未能出席，他昨日在微博放上藥丸相。

放大圖片

小方昨日謂有致電鍾國雄道歉。

放大圖片

鄺敏慧脹了一個碼，仍堅稱沒有肥。

鄺敏慧脹爆 放大圖片

鍾國雄（左）和龍華琛前晚演出棟篤笑騷，表現生鬼。

此外，前晚出席棟篤笑騷的有蔣怡和繼續脹爆的鄺敏慧（中巴），問中巴仍未成功瘦身？她反問說：「未咩？我冇磅幾重，但應同以前一樣。」問到前男友崔建邦喜歡她肥或瘦？她只說：「我唔會再提。」採訪：溫敏芝攝影：陳志嵐


蔣怡前晚坦言和男友都沒有計劃生育，故不會結婚。

方力申甩底有線有理

前晚有線搞世界盃棟篤笑，通告名單有方力申，他卻甩底冇出席，昨日小方和華姐陳爽出席普通話嘉年華，他澄清說：「因為主持係我朋友，佢叫我捧場，但前一晚公司先知有線出咗通告，叫我唔好去，我都覺得同無綫有歌手合約唔應該出席。」

方力申因與無綫有歌手合約而沒有亮相有線。

第二年擔任普通話大使的小方坦言有壓力：「媽咪係北方人，佢成日聽我用普通話接受訪問都擰晒頭，加上依家中、小學生都講得好流利，自己好慚愧。」陳爽操普通話作母語，來港後她才學廣東話，有次做兒童節目將「拋嚟拋去」講咗「丟（粗口諧音）嚟丟去」被工作人員笑，令她瘀爆。

陳爽因講不正廣東話鬧出笑話。